కార్తీక్‌ సాయి, డాలీషా, నేహా దేశ్‌పాండే నాయకానాయికలుగా తెరకెక్కిన చిత్రం ‘సైకో’. చిన్నా దర్శకత్వం వహించారు. ఆవుల రాజు, సంకినేని వాసుదేవరావు నిర్మిస్తున్నారు. ఈ సినిమా ట్రైలర్‌ విడుదల కార్యక్రమం హైదరాబాద్‌లో జరిగింది. ముఖ్య అతిథిగా ప్రముఖ నిర్మాత బెల్లంకొండ సురేష్‌ హాజరై టీజర్‌ని విడుదల చేశారు. అనంతరం ఆయన మాట్లాడుతూ ‘‘కొత్తదనం ఉంటే ప్రేక్షకులు తప్పకుండా స్వీకరిస్తారు. ట్రైలర్‌ చాలా ఆసక్తి కరంగా ఉంది. కథానాయకుడు కార్తీక్‌ మరిన్ని సినిమాలు చేయాలి’’ అన్నారు. నిర్మాతలు మాట్లాడుతూ ‘‘కథ విన్న వెంటనే సినిమా చేయాలనే తపన కలిగింది. ఉత్కంఠ భరితంగా సాగే సినిమా ఇది’’ అన్నారు.