వైష్ణవ్‌తేజ్‌ కథానాయకుడిగా పరిచయమవుతున్న చిత్రం ‘ఉప్పెన’. కృతిశెట్టి కథానాయిక. బుచ్చిబాబు సానా దర్శకుడిగా పరిచయం అవుతున్నారు. మైత్రీ మూవీ మేకర్స్‌, సుకుమార్‌ రైటింగ్స్‌ సంస్థలు సంయుక్తంగా నిర్మిస్తున్న ఈ సినిమాని ఫిబ్రవరి 12న విడుదల చేస్తున్నారు. కొత్త నేపథ్యంలో సాగే ఓ ప్రేమకథతో తెరకెక్కించినట్టు  ఇటీవల విడుదలైన టీజర్‌ని బట్టి స్పష్టమవుతోంది. వైష్ణవ్‌, కృతిశెట్టి జంట కనిపించిన    విధానమూ బాగుంది. తమిళ నటుడు విజయ్‌   సేతుపతి ఇందులో కీలక పాత్రని పోషించారు. ఈ చిత్రానికి సంగీతం: దేవిశ్రీప్రసాద్‌, ఛాయాగ్రహణం: షామ్‌దత్‌ సైనుద్దీన్‌, కూర్పు: నవీన్‌ నూలి.