Tokyo Olympics: భార్యాభర్తలు రజతాలు పట్టారు
close
Updated : 04/08/2021 07:58 IST
Facebook Share Twitter Share WhatsApp Share Telegram Share Link Share

Tokyo Olympics: భార్యాభర్తలు రజతాలు పట్టారు

టోక్యో: ఒలింపిక్స్‌లో ఒక పతకం వస్తేనే గొప్ప.. అలాంటిది ఒకే ఇంట్లో రెండు పతకాలు వస్తే! బ్రిటన్‌ భార్యాభర్తలు జాసన్‌ కెన్నీ, లౌరా దీన్ని నిజం చేశారు. వాళ్లిద్దరికి ఇదే కొత్త కాదు. గత కొన్ని ఒలింపిక్స్‌ల నుంచి ఈ జోడీ పతకాల పంట పండిస్తూనే ఉంది. టోక్యో ఒలింపిక్స్‌లో సైక్లింగ్‌లో జాసన్‌ రజతం సాధించిన 20 నిమిషాల వ్యవధిలోనే లౌరా రజతం గెలవడం విశేషం. పురుషుల టీమ్‌ స్ప్రింట్‌లో బ్రిటన్‌ రెండో స్థానంలో నిలవగా, మహిళల టీమ్‌ పర్స్యూట్‌లోనూ బ్రిటన్‌ అదే స్థానాన్ని సాధించింది. 2012 లండన్‌ ఒలింపిక్స్‌లో వ్యక్తిగత, టీమ్‌ విభాగాల్లో పసిడి పతకాలు గెలిచిన లౌరా.. రియోలోనూ ఆ ఫీట్‌ను పునరావృతం చేసింది. ఇప్పుడు టోక్యోలోనూ రజతంతో మెరిసింది. ఇక బీజింగ్‌లో టీమ్‌ పసిడి.. స్ప్రింట్‌ రజతం, లండన్‌లో టీమ్‌, వ్యక్తిగత విభాగాల్లో స్వర్ణాలు సాధించిన జాసన్‌ కెన్నీ.. రియోలో టీమ్‌, స్ప్రింట్‌, కెరిన్‌ విభాగాల్లో పసిడి పతకాలతో సంచలనం సృష్టించాడు. టోక్యోలో టీమ్‌ స్ప్రింట్‌లో అతడు రజతం గెలిచాడు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని