INDvsENG‌: తొలి రోజు ఆటముగిసే సమయానికి భారత్ 21/0 - india trail by 162 runs in first innings against england
close
Updated : 05/08/2021 00:37 IST
Facebook Share Twitter Share WhatsApp Share Telegram Share Link Share

INDvsENG‌: తొలి రోజు ఆటముగిసే సమయానికి భారత్ 21/0

ఇంటర్నెట్‌ డెస్క్‌: అయిదు టెస్టుల సిరీస్‌లో భాగంగా నాటింగ్‌హామ్‌ వేదికగా ఇంగ్లాండ్‌తో జరుగుతున్న తొలి టెస్టులో భారత్‌ తొలిరోజు ఆట ముగిసే సమయానికి వికెట్‌ కోల్పోకుండా 21 పరుగులు చేసింది. క్రీజులో రోహిత్(9), రాహుల్‌ (9) పరుగులతో ఉన్నారు. అంతకుముందు టాస్‌ గెలిచి బ్యాటింగ్‌కు దిగిన ఇంగ్లాండ్‌ తొలి ఇన్నింగ్స్‌లో 183 పరుగులకు ఆలౌటైంది. భారత్‌ బౌలర్లు అద్భుతంగా చెలరేగారు. ముఖ్యంగా బుమ్రా, షమీ నిప్పులు చెరిగే బంతులతో ఇంగ్లాండ్‌ బ్యాట్స్‌మెన్‌ను కట్టడిచేశారు. బుమ్రా నాలుగు, షమీ మూడు వికెట్లు తీశాడు. శార్దుల్‌ ఠాకూర్‌ రెండు, సిరాజ్‌ ఒక వికెట్‌ పడగొట్టాడు. 

ఇక ఇంగ్లాండ్‌ బ్యాట్స్‌మెన్‌లో కెప్టెన్‌ జో రూట్‌(64) ఒక్కడే రాణించాడు. బెయిర్‌ స్టో(29), క్రాలే (27), సామ్‌ కరన్‌(27) భారీ స్కోర్లుగా మలచలేకపోయారు. వీరికి మిగత బ్యాట్స్‌మెన్‌ సహకరించకపోవడంతో ఇంగ్లాండ్‌ 183 పరుగులే చేసింది. తొలి సెషన్‌లో రెండు వికెట్లు కోల్పోయి 61 పరుగులు చేసిన ఇంగ్లాండ్‌..రెండో సెషన్‌లో రెండు వికెట్లు కోల్పోయి 77 పరుగులు చేసింది. మూడో సెషన్‌లో భారత బౌలర్లు విజృంభించారు. దీంతో ఇంగ్లాండ్‌ బ్యాట్స్‌మెన్‌ పెవిలియన్‌కు క్యూ కట్టారు.    

 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని