హైదరాబాద్‌: ‘హిందువులకు భగవద్గీత, క్రైస్తవులకు బైబిల్‌, ముస్లింలకు ఖురాన్‌, పోలీసోడికి ఎఫ్‌ఐఆర్‌’ అంటున్నారు రవితేజ. ఆయన కథానాయకుడిగా గోపిచంద్‌ మలినేని దర్శకత్వంలో తెరకెక్కిన చిత్రం ‘క్రాక్‌’. సంక్రాంతి కానుకగా థియేటర్‌లలో విడుదలైన ఈ సినిమా బాక్సాఫీస్‌ వద్ద భారీ విజయాన్ని అందుకుంది. త్వరలోనే ప్రముఖ ఓటీటీ ‘ఆహా’ వేదికగా అలరించేందుకు సిద్ధమైంది. ఫిబ్రవరి 5నుంచి ఆహాలో ప్రసారం కానున్న నేపథ్యంలో స్పెషల్‌ ట్రైలర్‌ను విడుదల చేశారు.