Acharya: ‘లాహే.. లాహే..’@ 35 మిలియన్‌ వ్యూస్‌ - 35m views for the folk melody laahelaahe from acharya movie
close
Published : 12/05/2021 15:45 IST
Facebook Share Twitter Share WhatsApp Share Telegram Share Link Share

Acharya: ‘లాహే.. లాహే..’@ 35 మిలియన్‌ వ్యూస్‌

ఇంటర్నెట్‌ డెస్క్: కొరటాల శివ దర్శకత్వంలో మెగాస్టార్‌ చిరంజీవి కథానాయకుడిగా నటిస్తున్న చిత్రం ‘ఆచార్య’. సురేఖ కొణిదెల సమర్పణలో మ్యాట్నీ ఎంటర్‌టైన్‌మెంట్, కొణిదెల ప్రొడక్షన్ కంపెనీ కలిసి సంయుక్తంగా నిర్మిస్తున్నాయి. యాక్షన్‌ డ్రామాగా తెరకెక్కుతున్న ఈ చిత్రంలో కాజల్‌ కథానాయిక నటిస్తుండగా రామ్‌చరణ్‌ కీలక పాత్ర పోషిస్తున్నారు. ఆ మధ్య చిత్రం నుంచి ‘లాహే..లాహే...’ అంటూ సాగే లిరికల్ వీడియో సాంగ్‌ని విడుదల చేశారు. ప్రస్తుతం ఈ పాట చిరు అభిమానులతో పాటు ప్రేక్షకులను ఎంతగానో ఆకట్టుకుంది. తాజాగా ఈ పాట యూట్యాబ్‌లో 35 మిలియన్ల వ్యూస్‌ని దాటి దూసుకుపోతోంది.

రామజోగయ్య శాస్త్రి కలం నుంచి జాలువారిన ఈ గీతానికి హారిక నారాయణ్‌, సాహితి చాగంటి గొంతులు సవరించగా మణిశర్మ సంగీతం అందించారు. పాట ఇప్పటికే సామాజిక మాధ్యమాల వేదికగా ప్రశంసలు అందుకుంటోంది. సినిమాకి సంబంధించి గతంలో విడుదలైన టీజర్ ఆకట్టుకుంటోంది. ‘ఇతరుల కోసం జీవించే వారు దైవంతో సమానం. అలాంటి వారి జీవితాలే ప్రమాదంలో పడితే.. ఆ దైవమే వచ్చి కాపాడాల్సిన పనిలేదు’,  ‘పాఠాలు చెప్పే అలవాటు లేకపోయినా అందరూ ఎందుకో ఆచార్య అంటుంటారు. బహుశా గుణపాఠాలు చెబుతాననేమో’ అంటూ చిరంజీవి, రామ్‌చరణ్ పలికిన ఈ సంభాషణలు అభిమానులను అలరిస్తున్నాయి. సినిమాకి నిరంజన్‌రెడ్డి, రామ్‌చరణ్‌ నిర్మాతలు. వాస్తవంగా ఈ చిత్రం మే13న ప్రేక్షకుల ముందుకు రావాల్సింది. కానీ కరోనా కారణంగా వాయిదా పడింది.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని