close
Published : 26/02/2021 22:23 IST
Facebook Share Twitter Share WhatsApp Share Telegram Share

‘ముంబయి సాగా’లో పై చేయి ఎవ‌రిదో?

ముంబయి: జాన్‌ అబ్రహాం, ఇమ్రాన్‌ హష్మీ కలిసి నటిస్తున్న యాక్షన్‌ క్రైమ్‌ చిత్రం ‘ముంబయి సాగా’. సంజయ్‌ గుప్తా దర్శకత్వం వహిస్తున్న ఈ చిత్రంలో సునీల్‌శెట్టి, కాజల్‌ అగర్వాల్‌, మహేష్‌ మంజ్రేకర్‌, అంజనా సుఖాని, ప్రతీక్‌ బబ్బర్‌ వంటి భారీ తారాగణం నటిస్తున్నారు. తాజాగా ఈ సినిమా ట్రైలర్ విడుదలైంది. అమర్త్యారావు (జాన్‌ అబ్రహాం) గ్యాంగ్‌స్టర్ జీవితంలో ఒకే ఒక లక్ష్యం ఉంటుంది. అది బొంబాయి నగరాన్ని పాలించడం. అందుకోసం అతను ఎవరినైనా ఎదిరించి చంపడానికి వెనకాడడు. అలాంటి సమయంలో విజయ సావర్కర్‌ (ఇమ్రాన్‌ హష్మీ) ఇన్స్‌పెక్టర్ అడ్డుపడుతాడు. ఈ యుద్ధంలో ఎవరు పై చేయి సాధించారో తెలియాలంటే మార్చి 19, 2021 వరకు వేచి చూడాల్సిందే. 

1980-1990ల మధ్య బొంబాయి నగరం ముంబయిగా ఎలా మారిందో ఇందులో వివరించనున్నారు. కరోనా మహమ్మారి లేకుంటే గతేడాది జూన్‌లోనే చిత్రం తెరపైకి వచ్చేది. ఈ సినిమా గురించి దర్శకుడు భరత్‌ గుప్తా ఓ ప్రకనటలో.. ‘‘25 ఏళ్ల కెరీర్‌లో దాదాపు 17 సినిమాలు చేశా. అయితే ‘ముంబయి సాగా’ నా జీవితంలో అత్యంత ప్రతిష్ఠాత్మక చిత్రం. నిర్మాత భూషణ్‌ కుమార్‌ నాపై నమ్మకం ఉంచినందుకు ఆయనకెంతో రుణపడి ఉన్నాను’’ అంటూ పేర్కొన్నారు. టీ-సీరీస్‌, వైట్‌ ఫెదర్‌ ఫిల్మ్ప్ పతాకంపై రూపొందుతున్న ఈ చిత్రానికి రాబిన్‌ భట్‌ స్ర్కీన్‌ప్లే అందించగా, శిఖర్‌ భట్నాకర్‌ సినిమాటోగ్రాఫర్‌గా పనిచేశారు.


ఇవీ చదవండి


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని