Nikhil: దయచేసి సాయం చేయండి - nikhil shares a emotional video and urges every one to help each other
close
Published : 09/05/2021 13:47 IST
Facebook Share Twitter Share WhatsApp Share Telegram Share Link Share

Nikhil: దయచేసి సాయం చేయండి

వీడియో షేర్‌ చేసిన నటుడు

హైదరాబాద్‌: కొవిడ్‌ కారణంగా దేశంలో క్లిష్ట పరిస్థితులు ఉన్నప్పటికీ సాయం చేస్తున్న వారి రూపంలో ఇంకా మానవత్వం మిగిలే ఉందని రుజవైందని నటుడు నిఖిల్‌ అన్నారు. ప్రస్తుతం ఎంతో మంది సాయం కోసం ఎదురుచూస్తున్నారని.. వీలైనంత వరకూ ప్రతిఒక్కరూ చేతనైనంత సాయం చేయాలని నిఖిల్‌ ఓ వీడియో సందేశంలో కోరారు.

‘బాధ, కోపం, చిరాకు, నిరాశతో ఈ వీడియో చేస్తున్నాను. కొవిడ్‌ కారణంగా గత కొన్ని వారాల నుంచి షూటింగ్స్‌ రద్దు చేసుకుని ఇంటికే పరిమితమయ్యాను. నాకు తెలిసిన స్నేహితులతో కలిసి ట్విటర్, ఇతర సోషల్‌మీడియా ఫ్లాట్‌ఫామ్స్‌ వేదికగా సాయం కోరిన వారందరికీ సాయం అందిస్తున్నాను. మందులు, ఇంజెక్షన్స్‌, ఆసుపత్రిలో పడకలు, ఆక్సిజన్‌, ఐసీయూ వార్డులు.. ఇలా సాయం చేస్తూనే ఉన్నాను. కానీ అది సరిపోవడం లేదు. ఎందుకంటే ఎంతోమంది ఇంకా సహాయం కోసం ఎదురుచూస్తూనే ఉన్నారు. బయట పరిస్థితులు దారుణంగా ఉన్నాయి. తెలిసిన బంధువులు, సాయం కోరిన కొంతమంది కళ్లముందే చనిపోవడం చూస్తుంటే బాధగా ఉంది. మనల్ని ఎవరో వచ్చి కాపాడతారు అనుకుంటే అది  జరగని పని. రాజకీయనాయకులు, ఇతర నేతలు ఒకరిపై ఒకరు నిందలు వేసుకోవడంలో ఎంతో బిజీగా ఉన్నారు. కాబట్టి మీ జాగ్రత్తలో మీరు ఉండండి. మాస్క్‌లు పెట్టుకోండి. శానిటైజర్లు వాడండి. అలాగే ఇలాంటి క్లిష్ట పరిస్థితుల్లోనూ సంతోషాన్ని అందించే విషయం ఏమిటంటే ప్రజలందరూ ఒకరికొకరు సాయం చేసుకోవడానికి ముందుకు రావడం. మానవత్వం ఇంకా బతికే ఉందని నిరూపిస్తున్నారు. ఈ వీడియో ద్వారా నేను కోరేది ఏమిటంటే.. దయచేసి అందరం కలిసి ఒకరికొకరు సాయం చేసుకుంటూ ఈ కల్లోలం నుంచి సురక్షితంగా బయటపడదాం’ అని నిఖిల్‌ వివరించారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని