హైదరాబాద్‌: మన చుట్టూ ఉండే కథలనే సినిమాలుగా చేస్తూ ప్రత్యేకత చాటుకుంటున్నారు ఆనంద్‌ దేవరకొండ. తన అన్నయ్య విజయ్‌దేవరకొండ నీడలో ఇండస్ట్రీకి వచ్చినా మాస్‌ కథల జోలికి పోకుండా సామాన్య పాత్రల్లో నటిస్తూ మెప్పిస్తున్నారు. ఇటీవలే ‘మిడిల్‌క్లాస్‌ మెలోడీస్‌’తో డీసెంట్‌ హిట్‌ కొట్టి ‘పుష్పక విమానం’అంటూ మరో చిత్రంతో రెడీ అవుతున్నారు.

తాజాగా ఆ సినిమా పోస్టర్‌ను నటుడు విజయ్‌దేవరకొండ విడుదల చేశారు. ఆయనే నిర్మాతగా మారి ఈ చిత్రాన్ని నిర్మిస్తుండటం ప్రత్యేకం. ఆ పోస్టర్‌లో సునీల్‌తోపాటు నరేష్‌ వంటి సీనియర్‌ నటులు కనిపిస్తుండటం విశేషం. డార్క్‌ కామెడీతో ఈ చిత్రం ప్రేక్షకులను గిలిగింతలు పెట్టడం ఖాయం అంటూ విజయ్‌ పోస్ట్‌లో రాసుకొచ్చారు. అప్పట్లో కమల్‌హాసన్‌, అమల జంటగా సింగితం శ్రీనివాసరావు డైరెక్షన్‌లో ‘పుష్పక విమానం’ పేరుతో వచ్చిన మూకీ చిత్రం ప్రేక్షకులను ఎంతగానో అలరించిన సంగతి తెలిసిందే!