హైదరాబాద్: డైరెక్టర్‌ పూరీ జగన్నాథ్‌ తనయుడు ఆకాష్‌, కేతిక శర్మ జంటగా వస్తున్న చిత్రం ‘రొమాంటిక్‌’. రమ్యకృష్ణ కీలకపాత్రలో నటిస్తున్నారు. తాజాగా ఈ సినిమా రిలీజ్‌ తేదీని నిర్మాతల్లో ఒకరైన ఛార్మీకౌర్ ప్రకటించారు. జూన్‌ 18నుంచి థియేటర్లలో ఈ ‘రొమాంటిక్‌’ జంట కనువిందు చేయనున్నారు. పూరి కనెక్ట్‌ బ్యానర్‌పై నిర్మిస్తున్న ఈ చిత్రానికి పూరీ శిష్యుడు అనీల్‌ పాడూరి దర్శకత్వం వహిస్తున్నారు. మరోవైపు ఆకాశ్‌ ‘జార్జిరెడ్డి’ ఫేమ్‌ జీవన్‌ రెడ్డి దర్శకత్వంలో ‘చోర్‌ బజార్‌’అనే చిత్రంలో నటిస్తున్నారు. ఇటీవలే రెగ్యులర్ షూటింగ్‌ కూడా మొదలుపెట్టారు.