close
Published : 21/02/2021 16:39 IST
Facebook Share Twitter Share WhatsApp Share Telegram Share
 హిందీలో డబ్బింగ్‌ చెప్పనున్న విజయ్!

ఇంటర్నెట్‌డెస్క్‌: విజయ్‌ దేవరకొండ కథానాయకుడిగా పూరి జగన్నాథ్‌ దర్శకత్వంలో తెరకెక్కుతున్న చిత్రం ‘లైగర్‌’. అనన్య పాండే కథానాయిక. బాలీవుడ్‌లోనూ విడుదల కానున్న ఈ సినిమాలో విజయ్‌ తన పాత్రకు హిందీలోనే డబ్బింగ్‌ చెప్పనున్నారు. ఇందుకోసం హిందీ పదాలపై కసరత్తు చేస్తున్నారని సమాచారం. లాక్‌డౌన్‌ తర్వాత ప్రారంభమైన ఈ సినిమా షూటింగ్‌ ప్రస్తుతం రెండో షెడ్యూల్‌ చిత్రీకరణ జరుపుకొంటోంది. ఏ భాషా నటుడు అయినా అందరివాడు అనిపించుకోవాలంటే, స్థానిక భాషలో డబ్బింగ్‌ చెప్పుకొంటే ఇంకా బాగా రాణిస్తారని సినీ విమర్శకులు చెబుతుంటారు. చిత్ర నిర్మాత కరణ్‌ జోహార్‌ సైతం హిందీలో డబ్బింగ్‌ చెప్పాలని విజయ్‌ని ప్రొత్సహిస్తున్నారట. ధర్మ ప్రొడక్షన్స్, పూరి కనెక్ట్స్‌ కలిసి సంయుక్తంగా నిర్మిస్తున్న ఈ చిత్రంలో రమ్యకృష్ణ, రోనిత్‌ రాయ్‌, మకరంద్‌ దేశ్‌పాండే తదితరులు నటిస్తున్నారు. మణిశర్మ సంగీత స్వరాలు సమకూరుస్తున్నారు. సెప్టెంబర్‌ 9, 2021న ‘లైగర్‌’ విడుదల కానుంది.

ఇవీ చదవండి


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని