Maharashtra: మహిళా పోలీసుల పనివేళలు తగ్గింపు - maharashtra reduces working hours of women cops to 8 hours from 12
close
Published : 24/09/2021 22:49 IST
Facebook Share Twitter Share WhatsApp Share Telegram Share Link Share

Maharashtra: మహిళా పోలీసుల పనివేళలు తగ్గింపు

ముంబయి: మహారాష్ట్రలో మహిళా పోలీసుల పనివేళలు తగ్గిస్తున్నట్లు రాష్ట్ర డీజీపీ సంజయ్‌ పాండే వెల్లడించారు. ఇప్పటివరకు ఉన్న 12 గంటల వ్యవధిని 8 గంటలకు కుదించినట్లు తెలిపారు. ఈ విధానం ఇప్పటికే కొన్ని ప్రాంతాల్లో అమల్లో ఉందని.. మరికొన్ని ప్రాంతాల్లోనూ విడతల వారీగా అమలు చేస్తామని పేర్కొన్నారు. ప్రస్తుతం ఉన్న పనిగంటల విధానం కుటుంబంపై ప్రభావితం చేస్తుందని ఈ విధానాన్ని మార్చాలని ఇటీవల పలువురు మహిళా కానిస్టేబుల్స్‌ డీజీపీని కలిసి విన్నవించారు. దీనిపై ఉన్నతాధికారులతో చర్చించి ఈ నిర్ణయం తీసుకున్నారు. అయితే, మహిళా పోలీసులు ఎనిమిది గంటలు పనిచేసే విధానం ఇప్పటికే నాగ్‌పూర్‌, పుణె, అమరావతి, నవీ ముంబయిలో అమలులో ఉందని సీనియర్‌ పోలీసు అధికారి తెలిపారు. రాష్ట్రంలోని ఈ నాలుగు మెట్రోపాలిటన్ నగరాల్లో ఈ విధానం బాగా పనిచేసిందని పేర్కొన్నారు. దీనివల్ల అధిక సంఖ్యలో పోలీసు సిబ్బంది అవసరమవుతారన్నారు. ఎనిమిది గంటల పని విధానాన్ని వచ్చే నెల నుంచి రాష్ట్రవ్యాప్తంగా అమలు చేస్తామని స్పష్టం చేశారు.

కాగా, దీనిపై ఎన్‌సీపీ నేత, ఎంపీ బారామతి సుప్రియా సూలే ట్వీట్‌ చేశారు. ‘‘మహారాష్ట్ర ప్రభుత్వం మహిళా పోలీసుల పనివేళలను 12గంటలు నుంచి 8గంటలకు తగ్గించి తీసుకున్న నిర్ణయం హర్షనీయమైంది. మహిళలు కుటుంబాన్ని, డ్యూటీని సమన్వయం చేసుకోవడానికి ఇది సహాయపడుతుంది. ముఖ్యమంత్రి ఉద్ధవ్ ఠాక్రే, రాష్ట్ర హోం మంత్రి దిలీప్ వాల్సే-పాటిల్‌కు ప్రత్యేక ధన్యవాదాలు’’అని తెలిపారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని