close
Published : 23/02/2021 14:54 IST
Facebook Share Twitter Share WhatsApp Share Telegram Share
భీష్మ ఏకాదశి: బాలకృష్ణ అరుదైన చిత్రం

హైదరాబాద్‌: మాస్‌ కమర్షియల్‌ సినిమాలే కాదు, పౌరాణిక, జానపద చిత్రాల్లోనూ నటించి మెప్పించగల నటుడు నందమూరి బాలకృష్ణ. తండ్రి వారసత్వాన్ని పుణికి పుచ్చుకున్న ఆయన పలు పౌరాణిక పాత్రల్లో నటించి మెప్పించారు. అంతేకాదు, గుక్క తిప్పుకోకుండా డైలాగ్‌లు చెప్పడంలోనూ బాలయ్యకు ఆయనే సాటి. మంగళవారం భీష్మ ఏకాదశి సందర్భంగా అరుదైన చిత్రాలను ఆయన అభిమానులతో పంచుకున్నారు.

తండ్రి ఎన్టీఆర్‌ జీవితకథ ఆధారంగా బాలకృష్ణ ‘ఎన్టీఆర్‌: కథానాయకుడు’, ‘ఎన్టీఆర్‌: మహానాయకుడు’ చిత్రాలను తెరకెక్కించిన సంగతి తెలిసిందే. సినీ జీవితంలో తన తండ్రి పోషించిన పాత్రలను ఈ చిత్రాల్లో బాలకృష్ణ పోషించారు. అలాంటి వాటిలో భీష్ముడి పాత్ర ఒకటి. మంగళవారం భీష్మ ఏకాదశి సందర్భంగా భీష్ముడి గెటప్‌లో ఉన్న ఫొటోలను అభిమానులతో పంచుకున్నారు.

‘‘భీష్మ పాత్ర అంటే నాకు ఎంతో ఇష్టం. నాన్నగారు ఆయన వయసుకు మించిన భీష్మ పాత్ర పోషించి ప్రేక్షకుల నుంచి విశేష ఆదారాభిమానులు అందుకున్నారు. అందుకే ‘ఎన్టీఆర్‌: కథానాయకుడు’లో నేను భీష్ముడిగా కొన్ని సన్నివేశాలు తీశాం. అయితే, నిడివి కారణంగా వాటిని తొలగించాల్సి వచ్చింది. మంగళవారం భీష్మ ఏకాదశి పర్వదినం సందర్భంగా పాత్రకు సంబంధించిన ఫొటోలను ప్రేక్షకులు, అభిమానులతో పంచుకుంటున్నా’’ -సోషల్‌ మీడియాలో బాలకృష్ణ

ప్రస్తుతం బోయపాటి దర్శకత్వంలో బాలకృష్ణ ఓ చిత్రంలో నటిస్తున్న సంగతి తెలిసిందే. ‘బీబీ3’ అనే వర్కింగ్‌ టైటిల్‌తో తెరకెక్కుతున్న ఈ సినిమాను శరవేగంగా చిత్రీకరణ జరుపుకొంటోంది. వేసవి కానుకగా మే 28న ఈ చిత్రం ప్రేక్షకుల ముందుకు రానుంది.

ఇవీ చదవండి


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని