హైదరాబాద్‌: వేగంగా చిత్రాలు చేయడంలో ముందుంటారు యువ కథానాయకుడు నాని. సంత్సరానికి రెండు మూడు చిత్రాలు పట్టాలెక్కిస్తుంటారు. ఈ ఏడాది అదే జోరు చూపించబోతున్నారు. ‘వి’ విడుదల అవ్వాల్సి ఉండగా లాక్‌డౌన్‌ కారణంగా వాయిదా పడింది. ‘టక్‌ జగదీష్‌’ చిత్రీకరణ ప్రారంభమైంది. మరోవైపు ‘శ్యామ్‌ సింగరాయ్‌’ చిత్రం ప్రకటించాడు. ఇవే కాకుండా ‘బ్రోచెవారెవరురా’ ఫేం వివేక్‌ ఆత్రేయతోనూ ఓ సినిమా చేసే అవకాశాలున్నాయి.

తాజాగా మరో కథకి పచ్చ జండా ఊపనున్నాడని టాలీవుడ్‌ టాక్‌. సుకుమార్‌ దగ్గర దర్శకత్వ విభాగంలో పనిచేసిన శ్రీకాంత్‌ నానికి ఓ కథ వినిపించాడట. ఇప్పటి వరకు నాని చేయని పాత్రని, అందుకే ఓకే చేసే ఆలోచనలో ఉన్నాడని ప్రచారం సాగుతోంది. కొన్ని రోజుల్లో స్పష్టత రావొచ్చు. మరి ఈ కొత్త దర్శకుడు నానిని ఎలా చూపిస్తాడో తెలియాలంటే కొంతకాలం ఆగాల్సిందే.