హైదరాబాద్‌: తెలుగు తెరపై ఎన్నో ప్రేమకథలు ప్రేక్షకులను అలరించాయి. ఒకప్పుడు సినిమాలన్నీ థియేటర్‌లో ప్రేక్షకుడిని దృష్టిలో పెట్టుకుని తెరకెక్కేవి. కానీ, కరోనా, లాక్‌డౌన్‌ తర్వాత ఓటీటీలను కూడా దృష్టిలో పెట్టుకుని హృద్యమైన ప్రేమ కథలను దర్శక- నిర్మాతలు తెరకెక్కిస్తున్నారు. అలా జీప్లెక్స్‌లో అలరించేందుకు వస్తున్న చిత్రాల్లో ‘నిన్నిలా.. నిన్నిలా’ ఒకటి. అశోక్‌ సెల్వన్‌, రీతూ వర్మ, నిత్య మేనన్‌ కీలక పాత్రలు పోషించారు. తాజాగా ఈ చిత్ర ట్రైలర్‌ను యువ కథానాయకుడు సాయితేజ్‌ విడుదల చేశారు. ట్రైలర్‌ చూస్తుంటే ఇదొక ముక్కోణపు ప్రేమకథగా తెలుస్తోంది. ఫిబ్రవరి 26 నుంచి జీప్లెక్స్‌లో ప్రసారం కానుంది.