samantha: ఆ యూట్యూబ్‌ ఛానెళ్లపై చర్యలు తీసుకోండి: సమంత తరపు న్యాయవాది - once again hearing about samantha defamation case in hyderabad court
close
Updated : 25/10/2021 18:20 IST
Facebook Share Twitter Share WhatsApp Share Telegram Share Link Share

samantha: ఆ యూట్యూబ్‌ ఛానెళ్లపై చర్యలు తీసుకోండి: సమంత తరపు న్యాయవాది

హైదరాబాద్‌: సినీ నటి సమంత వేసిన పరువునష్టం దావా కేసు విచారణ హైదరాబాద్‌ కూకట్‌పల్లిలోని న్యాయస్థానంలో జరుగుతున్న సంగతి తెలిసిందే. తన క్లయింట్‌ పరువుకు నష్టం కలిగించేలా, వ్యక్తిత్వాన్ని కించపరిచేలా కొన్ని యూట్యూబ్‌ ఛానళ్లు వ్యవహరించాయని సమంత తరపు న్యాయవాది బాలాజీ కోర్టులో వాదనలు వినిపించారు. భావప్రకటనా స్వేచ్ఛకు కూడా కొన్ని పరిమితులున్నాయని, సమంత, నాగచైతన్యకు విడాకులు మంజూరు కాకముందే వ్యక్తిగతంగా ఆరోపణలు చేయడం సబబు కాదని కోర్టు దృష్టికి తీసుకెళ్లారు. ఇవి ఆమె వ్యక్తిగత, వృత్తిపర జీవితానికి ఇబ్బంది కలిగిస్తాయని, తక్షణమే ఈ కేసును విచారించాలని కోరారు. దీంతో ఏకీభవించిన న్యాయస్థానం కేసును విచారణకు స్వీకరించి, ఈ నెల 25వ తేదీకి వాయిదా వేసింది.

కాగా, సోమవారం సమంత దాఖలు చేసిన పిటిషన్‌ పై మరోసారి వాదనలు జరిగాయి. సమంత ప్రతిష్ఠను దెబ్బతీసిన మూడు యూట్యూబ్ ఛానెల్స్‌పై చర్యలు తీసుకోవాలని ఆమె తరపు న్యాయవాది బాలాజీ న్యాయస్థానాన్ని కోరారు. సమాజంలో ఎంతో పేరు ప్రఖ్యాతులు ఉన్న వ్యక్తిపై ఇలా ఆరోపణలు చేస్తూ ప్రసారాలు చేయడం సరైంది కాదని కోర్టు దృష్టికి తీసుకొచ్చారు. యూట్యూబ్ లింకులు మాత్రమే తొలగించాలని కోరుతున్నామని, భవిష్యత్‌లో ఇలాంటి వార్తలు రాయకుండా పర్మినెంట్ ఇంజెంక్షన్‌ ఆర్డర్ ఇవ్వాలని కోరారు. గతంలో శిల్పా శెట్టి కేసులో ముంబై హైకోర్టు ఇదే తరహాలో ఇంజెంక్షన్‌ ఆర్డర్ ఇచ్చిందని వాదనలు వినిపించారు. వాదనలు విన్న కూకట్‌పల్లి న్యాయస్థానం తీర్పును రేపటికి రిజర్వ్ చేసింది.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని