Raviteja Khiladi: రూమర్స్‌కి చెక్‌ - raviteja khiladi will going to release in theaters
close
Published : 16/05/2021 17:09 IST
Facebook Share Twitter Share WhatsApp Share Telegram Share Link Share

Raviteja Khiladi: రూమర్స్‌కి చెక్‌

హైదరాబాద్‌: మాస్‌ మహారాజ్‌ రవితేజ కథానాయకుడిగా తెరకెక్కుతోన్న ‘ఖిలాడి’పై వస్తోన్న పుకార్లకు చిత్ర నిర్మాత చెక్‌ పెట్టారు. విభిన్నమైన కథాంశంతో తెరకెక్కుతోన్న ఈ సినిమా ఓటీటీలో విడుదల కానుందంటూ నెట్టింట్లో వార్తలు చక్కర్లు కొడుతున్నాయి. ఈ మేరకు ఇప్పటికే చిత్రబృందంతో ఓ ప్రముఖ ఓటీటీ సంస్థ సంప్రదింపులు జరిపినట్లు కూడా వార్తలు వచ్చాయి. ఈ నేపథ్యంలో సదరు వార్తలపై చిత్ర నిర్మాత సత్యనారాయణ కోనేరు స్పందించారు. అవన్నీ అవాస్తవాలేనని తేల్చి చెప్పారు.

‘‘ఖిలాడి’ విడుదల గురించి వస్తోన్న వార్తలను దయచేసి ఎవరూ నమ్మకండి. మా ఈ సినిమా అనుభవాన్ని ప్రతి ఒక్కరూ థియేటర్‌లోనే పొందాలి. దానికి అనుగుణంగానే చిత్రీకరణ విషయంలో మేము ఎక్కడా రాజీపడడం లేదు. ప్రేక్షకులందర్నీ ఆకర్షించే విధంగా ఈ చిత్రాన్ని రూపొందించడానికి రమేష్‌ వర్మ శ్రమిస్తున్నారు. ఇటలీ షెడ్యూల్‌ చక్కగా పూర్తయ్యింది. దేవిశ్రీ ప్రసాద్‌ సంగీతం, నలుగురు ఫైట్‌ డైరెక్టర్లు ఈ చిత్రానికి మరోబలం. కొన్నిరోజుల తర్వాత పాటల్ని సైతం రిలీజ్‌ చేస్తాం’ అని ఆయన పేర్కొన్నారు. రమేష్‌ వర్మ దర్శకత్వం వహిస్తున్న ఆ సినిమా రవితేజ ఎంతో ఎనర్జీటిక్‌గా కనిపించనున్నారు. ప్రముఖ నటుడు అర్జున్‌, ఉన్నికృష్ణన్‌, మీనాక్షి చౌదరి, డింపుల్‌ హయాతి, అనసూయ కీలకపాత్రల్లో కనిపించనున్నారు. పెన్‌ మూవీస్‌ పతాకంపై సత్యనారాయణ ఈ చిత్రాన్ని నిర్మిస్తున్నారు.




మరిన్ని


గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని