Saudi Arabia: ఆ దేశాలకు వెళితే మూడేళ్ల నిషేధం..! - saudis 3 year travel ban for citizens visiting red list nations including india
close
Published : 29/07/2021 01:55 IST
Facebook Share Twitter Share WhatsApp Share Telegram Share Link Share

Saudi Arabia: ఆ దేశాలకు వెళితే మూడేళ్ల నిషేధం..!

దుబాయ్‌: కొవిడ్‌ కట్టడిలో భాగంగా సౌదీ అరేబియా ప్రభుత్వం తమ పౌరులకు కొత్త ఆంక్షలు విధించింది. రెడ్‌ లిస్ట్‌ పేరుతో రూపొందించిన జాబితాలోని దేశాలకు వెళ్లిన వారికి భారీ జరిమానాలు సహా విదేశాలకు వెళ్లకుండా మూడేళ్లపాటు నిషేధం విధించనున్నట్టు ప్రకటించింది. నిషేధిత దేశాలకు వెళ్లడం కొవిడ్‌ నిబంధనలను ఉల్లంఘించడమేనని అక్కడి సర్కారు స్పష్టం చేసింది. అయితే ఆ జాబితాలో భారత్‌ కూడా ఉండటం గమనార్హం. అందులో యూఏఈ, లిబియా, సిరియా, లెబనాన్‌, యెమెన్‌, ఇరాన్‌, టర్కీ, అర్మేనియా, ఇథియోపియా, సొమాలియా, కాంగో, అఫ్గానిస్థాన్‌, వెనిజులా, బెలారస్‌, వియత్నాం దేశాలు ఉన్నాయి. ఈ దేశాలకు నేరుగా కానీ, ఇతర దేశాల నుంచి కానీ వెళ్లినా ఆంక్షలను ఉల్లంఘించినట్లేనని ప్రభుత్వం పేర్కొంది. ఆ దేశాల్లో కరోనా ఉద్ధృతి తీవ్రంగా ఉండటంతో వాటిని రెడ్‌ లిస్ట్‌లో చేర్చినట్లు సౌదీ హోం మంత్రిత్వ శాఖ వెల్లడించింది.  అధికారిక గణాంకాల ప్రకారం మంగళవారంనాటికి సౌదీలో 5,20,774 కరోనా కేసులు, 8,189 మరణాలు నమోదయ్యాయి. అక్కడ ప్రస్తుతం 11, 136 క్రియాశీల కేసులున్నాయి. 

 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని