RRR: ఎదురుచూపులకు ఇక ఫుల్‌స్టాప్‌.. ‘ఆర్‌ఆర్‌ఆర్‌’ నుంచి ‘దోస్తీ’ సాంగ్‌ వచ్చేసింది..! - telugu news dosti song from rrr out now
close
Updated : 01/08/2021 16:18 IST
Facebook Share Twitter Share WhatsApp Share Telegram Share Link Share

RRR: ఎదురుచూపులకు ఇక ఫుల్‌స్టాప్‌.. ‘ఆర్‌ఆర్‌ఆర్‌’ నుంచి ‘దోస్తీ’ సాంగ్‌ వచ్చేసింది..!

హైదరాబాద్‌: ప్రపంచవ్యాప్తంగా ఉన్న సినీ సంగీత ప్రియుల ఎదురుచూపులకు సమాధానం చెబుతూ రామ్‌చరణ్‌-తారక్‌ ప్రధాన పాత్రల్లో నటిస్తున్న ‘ఆర్‌ఆర్‌ఆర్‌’ నుంచి ‘దోస్తీ’ సాంగ్‌ వచ్చేసింది. స్నేహితుల దినోత్సవాన్ని పురస్కరించుకుని ఆదివారం ఉదయం విడుదలైన ఈ పాట ప్రతిఒక్కర్నీ ఎంతో ఆకట్టుకునేలా ఉంది. కీరవాణి సారథ్యంలో హేమచంద్ర (తెలుగు), అమిత్‌ త్రివేది (హిందీ), అనిరుధ్‌ (తమిళం), యాజిన్‌ నిజార్‌ (కన్నడ), విజయ్‌ జేసుదాస్‌ (మలయాళం).. ఇలా ఐదు భాషలకు చెందిన ఐదుగురు సంగీత యువ కెరటాలు ఈ పాటను హుషారెత్తించేలా ఆలపించారు. ‘ఆర్‌ఆర్‌ఆర్‌’లో రామ్‌చరణ్‌-తారక్‌ల స్నేహానికి ప్రతీకగా ఈ పాటను రూపొందించినట్లు అర్థమవుతోంది.

‘పులికి వీలుగాడికి.. తలకి ఉరితాడుకి.. కదిలే కార్చిచ్చుకి.. కసిరే బడగళ్లకి.. రవికి మేఘానికీ.... ‘దోస్తీ’ ఊహించని చిత్రమే చిత్రం.. స్నేహానికి చాచిన హస్తం.. ప్రాణానికి ప్రాణం ఇస్తుందో తీస్తుందో.. ’ అంటూ సాగే ఈ పాట ‘ఆర్‌ఆర్‌ఆర్‌’లో తారక్‌, చరణ్‌ల మధ్య దోస్తీని ప్రతిబింబించేలా ఉంది. విభిన్నమైన మనస్థత్వాలు గల వ్యక్తులకు స్నేహం కుదరడం.. చివరికి అది ఎటువైపునకు దారి తీస్తుంది అనేది ప్రధానాంశంగా ‘ఆర్‌ఆర్‌ఆర్‌’లో చూపించినట్లు ఈ పాట ద్వారా అర్థమవుతోంది.

‘ఆర్‌ఆర్‌ఆర్‌’ చిత్రానికి రాజమౌళి దర్శకత్వం వహించారు. ఇందులో అల్లూరి సీతారామరాజుగా రామ్‌చరణ్‌, కొమురంభీమ్‌గా తారక్‌ కనిపించనున్నారు. ఆలియాభట్‌, ఒలీవియా మోరీస్‌, రేయ్‌ స్టీవ్‌సన్‌, ఆలిసన్‌ డ్యూడీ, శ్రియ, అజయ్‌ దేవ్‌గణ్‌, సముద్రఖనిలతోపాటు పలువురు ప్రముఖ నటీనటులు ఈ సినిమాలో కీలకపాత్రలు పోషించారు. అక్టోబర్‌ 13న ఈ సినిమా ప్రేక్షకుల ముందుకు రానుంది. ఈ నేపథ్యంలోనే ‘ఆర్‌ఆర్‌ఆర్‌’ ప్రమోషన్స్‌లో భాగంగా ‘దోస్తీ’ పాటను విడుదల చేశారు. మరోవైపు ఇటీవల విడుదల చేసిన ‘ఆర్‌ఆర్‌ఆర్‌’ మేకింగ్‌ వీడియోతో సినిమాపై అంచనాలు భారీగా పెరిగాయి.









మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని