HERO Trailer: ‘హీరో’ పగకి కారణమేంటి?  - telugu news hero movie trailer rishab shetty
close
Published : 21/07/2021 14:43 IST
Facebook Share Twitter Share WhatsApp Share Telegram Share Link Share

HERO Trailer: ‘హీరో’ పగకి కారణమేంటి? 

ఇంటర్నెట్‌ డెస్క్‌: ఇతర భాషల్లో విజయం అందుకున్న చిత్రాల్ని ప్రముఖ ఓటీటీ ‘ఆహా’ డబ్‌ చేసి తెలుగు ప్రేక్షకులకి వినోదం పంచుతున్న విషయం తెలిసిందే. ఈ క్రమంలోనే కన్నడ సినిమా ‘హీరో’ని అదే పేరుతో జులై 24 నుంచి అందుబాటులోకి తీసుకురానుంది. రిషబ్‌ శెట్టి కథానాయకుడిగా దర్శకుడు ఎం. భరత్‌ రాజ్‌ తెరకెక్కించిన చిత్రమిది. గనవి లక్ష్మణ్‌ నాయిక. ప్రమోద్‌ శెట్టి ప్రతినాయకుడు. తాజాగా ట్రైలర్‌ విడుదలైంది.

‘దట్టమైన అడవులతో నిండిన లంక ఇది’ అనే డైలాగ్‌తో ప్రారంభమైన ఈ ట్రైలర్‌ ఉత్కంఠ పెంచుతూనే నవ్వులు పంచుతుంది. ఇందులో బార్బర్‌గా కనిపించాడు కథానాయకుడు. క్షౌరం చేసేందుకు విలన్ ప్రమోద్‌ ఇంటికి వెళ్తాడు రిషబ్‌. ప్రమోద్‌ భార్య (కథానాయిక), రిషబ్‌కి మధ్య పరిచయం ఉండటంతో ఇద్దరూ దగ్గరవుతారు. అదే సమయంలో విలన్‌ కంట పడతారు. విలన్‌ గ్యాంగ్‌తో ‘హీరో’ పోరాటాలు, ఛేజింగులు మొదలవుతాయి. చివరిలో ‘నువ్వు వచ్చిన పని ముగించకుండానే వెళ్తావా’ అని హీరోని హీరోయిన్‌ అడగటం ఉత్కంఠ పెంచింది. దాంతో ఇంతకీ హీరో పగకి కారణమేంటి? అనే సందేహం కలుగుతుంది. కథానాయకుడు.. కథానాయిక గొంతు కోసే సన్నివేశం మరో ట్విస్ట్‌. నటీనటుల హావభావాలు ఆకట్టుకుంటున్నాయి. నేపథ్య సంగీతం ప్రధాన బలంగా నిలిచింది. మరి ‘హీరో’ పగ ఏంటి? తెలియాలంటే సినిమా చూడాల్సిందే.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని