Radhesyam: అప్‌డేట్‌ వచ్చేసింది.. ఫ్యాన్స్ సెలబ్రేషన్స్‌కు చిన్న ఆలస్యం - telugu news radheshyam update
close
Updated : 30/07/2021 09:36 IST
Facebook Share Twitter Share WhatsApp Share Telegram Share Link Share

Radhesyam: అప్‌డేట్‌ వచ్చేసింది.. ఫ్యాన్స్ సెలబ్రేషన్స్‌కు చిన్న ఆలస్యం

హైదరాబాద్‌: ‘బాహుబలి’, ‘సాహో’ వంటి భారీ యాక్షన్‌ చిత్రాల తర్వాత పాన్‌ ఇండియా స్టార్‌ ప్రభాస్‌ నటిస్తున్న పూర్తిస్థాయి ప్రేమకథా చిత్రం ‘రాధేశ్యామ్‌’. కె.రాధాకృష్ణ కుమార్‌ దర్శకుడు. జులై 30న ఈ సినిమా ప్రేక్షకుల ముందుకు రావాల్సి ఉండగా.. కరోనా పరిస్థితుల కారణంగా సినిమా షూట్‌ ఆలస్యమైంది. ఈ క్రమంలోనే గురువారం ‘రాధేశ్యామ్‌’ షూట్‌ పూర్తయ్యింది. ఈ నేపథ్యంలో ‘రాధేశ్యామ్‌’ చిత్రబృందం కొత్త రిలీజ్‌ డేట్‌ ప్రకటించింది. ఈమేరకు వచ్చే ఏడాది సంక్రాంతి కానుకగా జనవరి 14న ఈ సినిమా ప్రేక్షకుల ముందుకు రానున్నట్లు ప్రకటించింది. కొద్దిగా ఆలస్యమైనా సరే.. సెలబ్రేషన్స్‌ మాత్రం పీక్స్‌లో ఉంటాయని అభిమానులు అనుకుంటున్నారు.

వింటేజ్‌ ప్రేమకథా చిత్రంగా రూపుదిద్దుకుంటోన్న ఈ సినిమాలో ప్రభాస్‌ సరసన పూజాహెగ్డే సందడి చేయనున్నారు. ఇందులో ప్రభాస్‌ విక్రమాదిత్య అనే లవర్‌బాయ్‌ పాత్రలో కనిపించనున్నారు. అలాగే పూజాహెగ్డే ప్రేరణగా సందడి చేయనున్నారు. అలనాటి నటి భాగ్యశ్రీ ఈ చిత్రంలో కీలకపాత్ర పోషించారు. ఇప్పటికే విడుదలైన ‘రాధేశ్యామ్‌’ గ్లిమ్స్‌, బీట్స్‌ ఆఫ్‌ రాధేశ్యామ్‌ సినీప్రియుల్ని ఎంతగానో ఆకట్టుకున్నాయి. యూవీ క్రియేషన్స్‌ బ్యానర్‌పై ఈ సినిమా నిర్మితమవుతోంది.




మరిన్ని


గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని