Republic: కలెక్టర్‌గా సాయితేజ్‌.. ట్రైలర్‌ విడుదల చేసిన చిరంజీవి - telugu news saidharam tej starer republic trailer launched by megastar
close
Updated : 22/09/2021 13:13 IST
Facebook Share Twitter Share WhatsApp Share Telegram Share Link Share

Republic: కలెక్టర్‌గా సాయితేజ్‌.. ట్రైలర్‌ విడుదల చేసిన చిరంజీవి

సాయితేజ్‌ ఆరోగ్యంపై చిరంజీవి ఏమన్నారంటే..

హైదరాబాద్‌: ఇటీవల రోడ్డు ప్రమాదానికి గురై ఆస్పత్రిలో చికిత్స పొందుతున్నారు నటుడు సాయిధరమ్‌ తేజ్‌. ఆయన ప్రధాన పాత్రలో నటించిన చిత్రం ‘రిపబ్లిక్‌’. దేవకట్టా దర్శకత్వం వహించిన ఈసినిమాలో సాయితేజ్‌ కలెక్టర్‌గా పవర్‌ఫుల్‌ పాత్రలో కనిపించనున్నారు. ఐశ్వర్య రాజేశ్‌ కథానాయిక. అక్టోబర్‌ 1న ఈ సినిమా ప్రేక్షకుల ముందుకు రానుంది. ఈ నేపథ్యంలో ‘రిపబ్లిక్‌’ ట్రైలర్‌ను బుధవారం ఉదయం చిరంజీవి విడుదల చేశారు. అవినీతి రాజకీయాల కారణంగా ప్రజలు ఎలా ఇబ్బందులు ఎదుర్కొంటున్నారో తెలియజేసేలా ఈ చిత్రం తెరకెక్కింది. ఇందులో కలెక్టర్‌ పాత్రలో సాయి చెప్పే డైలాగ్‌లు ఆలోచింపజేసేలా ఉన్నాయి.

‘సమాజంలో తిరిగే అర్హతే లేని గుండాలు పట్టపగలే బాహటంగా అమాయకుల ప్రాణాలు తీస్తుంటే.. కంట్రోల్‌ చేయాల్సిన వ్యవస్థలే వాళ్లకు కొమ్ము కాస్తున్నాయ్‌’ అంటూ సాయి చెప్పే డైలాగ్‌లు మెప్పించేలా ఉన్నాయి. మరోవైపు రమ్యకృష్ణ, జగపతిబాబు కీలకపాత్రల్లో కనిపించనున్నారు.

సాయి కోలుకుంటున్నాడు..

ప్రస్తుతం అపోలో ఆస్పత్రిలో చికిత్స పొందుతున్న సాయి ఆరోగ్య పరిస్థితిపై చిరంజీవి స్పందించారు. ‘సాయిధరమ్ తేజ్ వేగంగా కోలుకుంటున్నాడు. రిపబ్లిక్ చిత్రం అక్టోబర్ 1వ విడుదల చేస్తే బాగుంటుందన్న సాయి తేజ్‌ కోరిక మేరకు అదే తేదీన చిత్రం విడుదల అవుతోంది. మీ ఆదరణ, అభిమానం, ప్రేమే సాయిధరమ్‌కు శ్రీరామ రక్ష’ అని చిరు పేర్కొన్నారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని