‘కరోనా ఓ నీచమైన పురుగు’.. వర్మ పాట విన్నారా!
close
Published : 01/04/2020 19:46 IST
Facebook Share Twitter Share WhatsApp Share Telegram Share Link Share

‘కరోనా ఓ నీచమైన పురుగు’.. వర్మ పాట విన్నారా!

హైదరాబాద్‌: ‘అది నీచమైన పురుగు.. అయినా మంచే జరుగు..’ అంటున్నారు ప్రముఖ దర్శకుడు రామ్‌గోపాల్‌ వర్మ. ప్రపంచాన్ని వణికిస్తోన్న కరోనా వైరస్‌పై ఆయన పాటను రూపొందించారు. కరోనా వైరస్‌ను ఓ పురుగుతో పోలుస్తూ ప్రజల్లో అవగాహన కల్పించారు. ఆయన పాడిన ఈ పాట విభిన్నంగా ఉంది. ‘అది ఒక పురుగు.. కనిపించని పురుగు.. కరోనా ఓ పురుగు.. నీ బతుకుకి ఒక చిరుగు..అయినా చివరికి మంచే జరుగు.. నలిపేద్దామంటే అంత సైజు లేదు దానికి. పచ్చడి చేద్దామంటే కండ లేదు దానికి. అదే దాని బలం.. అదే దాని దమ్ము’ అంటూ వర్మ తన స్టైల్‌లో సాహిత్యం రాసి, ఆలపించారు.

ఈ పాటను బుధవారం సాయంత్రం వర్మ ట్విటర్‌ ద్వారా పంచుకున్నారు. శాండీ అడ్డంకి సంగీతం అందించారు. ఈ గీతంతో వర్మ తన మార్క్‌ను మరోసారి ప్రేక్షకులకు చూపించారు. లాక్‌డౌన్‌ విధించింది ప్రజల రక్షణ కోసమని, జాగ్రత్తగా ఉండాలని వర్మ ఈ పాట ద్వారా తెలిపారు. కరోనా కట్టడికి.. ‘నాలుగు ఆయుధాలు ఏంటంటే.. చేతులు కడుక్కో, మాస్క్‌ తొడుక్కో, దూరం పాటించు, గుమ్మం దాటొద్దు..’ అని ప్రజల్లో అవగాహన కల్పించారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని