భవనం కూలిన ఘటనలో 40కి చేరిన మృతులు

తాజా వార్తలు

Published : 23/09/2020 19:22 IST

భవనం కూలిన ఘటనలో 40కి చేరిన మృతులు

ఠానే: మహారాష్ట్రలోని భివాండిలో మూడంతస్తుల భవనం కూలిపోయిన ఘటనలో మృతుల సంఖ్య 40కి చేరింది. తాజాగా మరికొందరి మృతదేహాలను శిథిలాల నుంచి బయటకు తీసుకొచ్చినట్టు అధికారులు వెల్లడించారు. సోమవారం అర్ధరాత్రి అంతా గాఢ నిద్రలో ఉన్న సమయంలో భవనం కూలిపోవడంతో ఈ విషాదం చోటుచేసుకున్న విషయం తెలిసిందే.  ఆ రోజు నుంచి ఎన్డీఆర్‌ఎఫ్‌ సిబ్బంది సహాయక చర్యలు కొనసాగిస్తున్నాయి. మృతి చెందినవారిలో 18మంది చిన్నారులు ఉన్నారు. వీరిలో రెండేళ్ల నుంచి 15 ఏళ్ల లోపువారే ఉండటం విషాదకరం. ఇప్పటివరకు 25మందిని శిథిలాల నుంచి సజీవంగా బయటకు తీసుకొచ్చినట్టు అధికారులు తెలిపారు. మరోవైపు, భారీ వర్షం కురుస్తున్నప్పటికీ సహాయక చర్యలు కొనసాగుతున్నాయి. గాయాలతో బయటపడిన వారిని సమీపంలోని ఆస్పత్రులకు తరలించి చికిత్స అందిస్తున్నారు.

పటేల్‌ కాంపౌండ్‌ సమీపంలోని ఉన్న భవనాన్ని 43 ఏళ్ల క్రితం నిర్మించారు. దీనిలో మొత్తం 40 ఫ్లాట్లు ఉన్నాయి. వీటిలో దాదాపు 150 మంది వరకు నివసిస్తారని అధికారులు తెలిపారు. ఈ ఘటనతో భవనం యజమానిపై కేసు నమోదు చేయడంతో పాటు ఇద్దరు స్థానిక అధికారులను సస్పెండ్‌ చేశారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని