రూ.40లక్షల విలువైన సెల్‌ఫోన్లు చోరీ

తాజా వార్తలు

Published : 15/11/2020 03:46 IST

రూ.40లక్షల విలువైన సెల్‌ఫోన్లు చోరీ

హైదరాబాద్‌: నగర శివారు మియాపూర్‌ ఠాణా పరిధి మదీనాగూడలోని రిలయన్స్‌ డిజిటల్‌ షోరూంలో భారీ చోరీ జరిగింది. సుమారు రూ.40 లక్షల విలువైన సెల్‌ఫోన్లు చోరీకి గురయ్యాయి. ఉదయం సిబ్బంది షోరూంను తెరిచి లోపలికి వెళ్లి చూడగా సెల్‌ఫోన్లన్నీ చెల్లా చెదురుగా పడి ఉండటాన్ని గమనించిన సిబ్బంది స్థానిక పోలీసులకు సమాచారం అందించింది. ఘటనాస్థలికి చేరుకున్న పోలీసులు కేసు నమోదు చేసుకుని ఐదు ప్రత్యేక బృందాలను ఏర్పాటు చేసి నిందితుల కోసం గాలింపు చేపట్టారు. 

చరవాణులతోపాటు ఇతర ఎలక్ట్రికల్‌ వస్తువులు ఏమైనా చోరీకి గురయ్యాయా అన్న కోణంలో పోలీసులు దర్యాప్తు చేస్తున్నారు. జాతీయ రహదారి ముందే ఉన్న ఈ దుకాణంలో దీపావళి పండుగ రోజునే చోరీ జరగడం స్థానికంగా చర్చనీయాంశమైంది. దీపావళి పర్వదినాన గిరాకీ ఎక్కువగా ఉన్నప్పటికీ చోరీ నేపథ్యంలో యాజమాన్యం దుకాణాన్ని మూసివేసింది.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని