close

తాజా వార్తలు

Published : 09/04/2021 01:12 IST
Facebook Share Twitter Share WhatsApp Share Telegram Share

విమానంలో బట్టలు విప్పేసి.. హల్‌చల్‌!

విమాన సిబ్బందితో అసభ్య ప్రవర్తన 

దిల్లీ: బెంగళూరు నుంచి దిల్లీ వెళ్తున్న ఎయిర్‌ ఏషియా విమానంలో ఇటీవల అవాంఛనీయ ఘటన చోటుచేసుకుంది. ఏప్రిల్‌ 6న ఐ5-722 విమానంలో మద్యం మత్తులో ఉన్న ఓ  ప్రయాణికుడు బట్టలు విప్పేసి నానా బీభత్సం సృష్టించాడు. సిబ్బందితో అమర్యాదగా ప్రవర్తిస్తూ హల్‌చల్‌ చేశాడు. తొలుత అతడు లైఫ్‌ జాకెట్ల గురించి వాదనకు దిగాడు. అనంతరం సిబ్బందితో అసభ్యంగా ప్రవర్తిస్తూ, అకస్మాత్తుగా బట్టల్ని పూర్తిగా విప్పేయడంతో తోటి ప్రయాణికులంతా విస్తుపోయారు.

ఈ ఘటనపై ఎయిర్‌ ఏషియా ఇండియా ఎయిర్‌లైన్స్‌ సంస్థ అధికార ప్రతినిధి స్పందిస్తూ, తాగిన మత్తులో ఉన్న ప్రయాణికుడు తమ సిబ్బంది పట్ల అనుచితంగా ప్రవర్తించాడని తెలిపారు. తోటి ప్రయాణికులతో కలిసి సిబ్బంది పదేపదే విజ్ఞప్తి చేయడంతో చివరకు కూర్చున్నాడని చెప్పారు. ఆ తర్వాత దీని గురించి పైలట్లకు సమాచారం ఇచ్చారని వివరించారు. దీంతో పైలట్ జరిగిన సంఘటనపై దిల్లీలోని ఏటీసీకి సమాచారం అందించి, త్వరగా ల్యాండింగ్‌కు అనుమతించాలని కోరారు. విమానం దిల్లీలో ల్యాండింగ్‌ కాగానే, అతడిని సీఐఎస్‌ఎఫ్‌ సిబ్బందికి అప్పగించారు. ఈ ఘటనపై దిల్లీ ఎయిర్‌ పోర్టు పోలీసులకు ఫిర్యాదు చేసి, తగిన చర్యలు తీసుకోవాలని కోరినట్టు ఎయిర్‌లైన్స్‌ అధికారులు తెలిపారు. దిల్లీ పోలీసులు ఆ వ్యక్తిపై కేసు నమోదు చేశారు. 


ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని