OLXలో ఐక్యతా విగ్రహం అమ్మకానికి అంటూ.. 

తాజా వార్తలు

Updated : 06/04/2020 14:56 IST

OLXలో ఐక్యతా విగ్రహం అమ్మకానికి అంటూ.. 

కరోనా నివారణకు నిధులు కావాలంటూ ఆకతాయిల ప్రకటన

వడోదర: కరోనా కట్టడి కోసం ఓ వైపు అధికార యంత్రాంగం నిరంతం శ్రమిస్తుంటే.. మరోవైపు ఆకతాయిల చేష్టలు వారిని ఇబ్బందికి గురిచేస్తున్నాయి. కరోనాపై పోరాటానికి నిధుల కోసమంటూ పలువురు ఏకంగా ప్రపంచంలోనే అత్యంత ఎత్తయిన ఐక్యతా విగ్రహాన్ని (స్టాట్యూ ఆఫ్‌ యూనిటీ) ఓఎల్‌ఎక్స్‌లో అమ్మకానికి పెడుతున్నట్లు ప్రకటన ఉంచారు. ఆస్పత్రుల ఏర్పాటు, వైద్య పరికరాల కొనుగోళ్ల కోసం దీన్ని రూ.30,000 కోట్లకు విక్రయిస్తున్నామంటూ ఆకతాయిలు ఆ ప్రకటనలో తెలిపారు. అయితే ఈ విషయాన్ని గుర్తించిన ఐక్యతా విగ్రహం నిర్వాహకులు పోలీసులకు ఫిర్యాదు చేశారు. 

మోసానికి పాల్పడటం, అంటువ్యాధుల నివారణ చట్టం, ఐటీ చట్టాల కింద నిందితులపై కేసు నమోదు చేశామని పోలీసు ఉన్నతాధికారులు వివరించారు. కాగా ఈ ప్రకటనను ఓఎల్‌ఎక్స్‌ సంస్థ తమ వెబ్‌సైట్‌ నుంచి తొలగించింది. దీనిపై ట్విటర్‌ ద్వారా క్షమాపణలు కోరింది. ఉక్కుమనిషి సర్దార్‌ వల్లభాయ్‌ పటేల్‌ స్మృతి చిహ్నంగా గుజరాత్‌లోని నర్మదా నది తీరంలో ఈ భారీ విగ్రహాన్ని ఏర్పాటు చేసిన విషయం తెలిసిందే.

 

 



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని