TS News: ట్రైనీ ఐఏఎస్‌పై లైంగిక వేధింపుల కేసు

తాజా వార్తలు

Updated : 22/10/2021 07:12 IST

TS News: ట్రైనీ ఐఏఎస్‌పై లైంగిక వేధింపుల కేసు

మూసాపేట, న్యూస్‌టుడే: ట్రైనీ ఐఏఎస్‌ బానోతు మృగేందర్‌లాల్‌ (30)పై లైంగిక వేధింపుల కేసు నమోదైంది. తనను పెళ్లి చేసుకుంటానని నమ్మించి మోసం చేశాడంటూ ఓ యువతి కూకట్‌పల్లి పోలీసులకు ఫిర్యాదు చేశారు. మృగేందర్‌లాల్‌ ప్రస్తుతం తమిళనాడు మధురైలో శిక్షణ ఐఏఎస్‌గా పనిచేస్తున్నారు. ఈయన రెండేళ్ల కిందట హైదరాబాద్‌లో శిక్షణ పొందుతున్న సమయంలో కూకట్‌పల్లిలో ఉంటున్న ఓ యువతి (25)తో ఫేస్‌బుక్‌ ద్వారా పరిచయం ఏర్పరుచుకుని సన్నిహితమయ్యారు. ఒకరోజు ఆ యువతి తల్లిదండ్రులను ఒప్పించి.. బయటకు తీసుకెళ్లిన మృగేందర్‌ స్నేహితులతో కలసి జన్మదిన వేడుకలు నిర్వహించారు. అనంతరం పెళ్లి చేసుకుంటానని నమ్మించి శారీరకంగా తనను వంచించినట్లు బాధితురాలు ఫిర్యాదులో పేర్కొన్నారు. మృగేందర్‌ తండ్రి వైరా మాజీ ఎమ్మెల్యే మదన్‌లాల్‌ అని తెలిపారు. మృగేందర్‌ తండ్రి, తల్లి కూడా తనను బెదిరించారని బాధితురాలు ఫిర్యాదులో పేర్కొన్నారు. దీనిపై మాజీ ఎమ్మెల్యే మదన్‌లాల్‌ను వివరణ కోరగా.. బాధితురాలు తమ బంధువేనని చెప్పారు. కేసు గురించి తనకు వివరాలు తెలియదన్నారు. కేసు దర్యాప్తు చేస్తున్నామని సీఐ టి.నర్సింగ్‌రావు పేర్కొన్నారు.


Advertisement

Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని