Bihar: కల్తీ మద్యానికి 16 ప్రాణాలు బలి!

తాజా వార్తలు

Published : 18/07/2021 01:26 IST

Bihar: కల్తీ మద్యానికి 16 ప్రాణాలు బలి!

పాట్నా: బిహార్‌లోని పశ్చిమచంపారన్‌లో అనుమానాస్పద మృతుల సంఖ్య రోజురోజుకు పెరుగుతోంది. బెతియాలోని పలు గ్రామాల్లో 4 రోజుల వ్యవధిలో 16 మంది ప్రాణాలు కోల్పోయినట్లు జిల్లా యంత్రాంగం తెలిపింది. కల్తీ మద్యం కారణంగానే వారంతా మృతిచెంది ఉంటారని అధికారులు అనుమానిస్తున్నారు. తాజాగా మరో వ్యక్తి ఆసుపత్రి పాలుకావడంతో అప్రమత్తమైన ప్రభుత్వ యంత్రాంగం బాధిత గ్రామంలో పరిస్థితిని సమీక్షిస్తోంది. ఐదుగురు అనుమానితులను అదుపులోకి తీసుకున్న అధికారులు వారిని ప్రశ్నిస్తున్నారు. 

జోగియా, ద్యురావా, బగాహి గ్రామాల్లో శుక్రవారం ఒక్కరోజే ఎనిమిది మంది మృతిచెందినట్లు అధికారులు తెలిపారు. అంతకుముందు మరో ఎనిమిది మంది మరణించారు. ‘గత రెండు, మూడు రోజుల్లో అనుమానాస్పద స్థితిలో పలువురు మృతిచెందినట్లు మాకు సమాచారం అందింది. మృతులు మద్యం సేవించలేదని వారి కుటుంబసభ్యులు పేర్కొంటున్నారు. కేసు నమోదు చేసుకొని దర్యాప్తు జరుపుతున్నాం’ అని జిల్లా కలెక్టర్‌ కుందన్‌ కుమార్‌ వెల్లడించారు. బాధిత గ్రామాల్లో ఇంకెవరైనా అస్వస్థతకు గురైతే వారికి చికిత్స అందించేందుకు ఓ మెడికల్‌ బృందం  పర్యటిస్తోందని కలెక్టర్‌ పేర్కొన్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని