దెయ్యం పట్టిందని కొడుకును కొట్టి చంపిన తల్లి
close

తాజా వార్తలు

Published : 22/06/2021 06:41 IST

దెయ్యం పట్టిందని కొడుకును కొట్టి చంపిన తల్లి

ఇంటర్నెట్‌ డెస్క్‌: శాస్త్ర, సాంకేతిక రంగంలో ప్రపంచం దూసుకెళ్తున్న సమయమిది. నూతన సాంకేతిక పరిజ్ఞానం కలలో కూడా ఊహించని అద్భుతాలను కళ్లముందు ఆవిష్కరిస్తున్న తరుణమిది. ఇలాంటి కాలంలో కూడా కొన్ని చోట్ల మూఢ నమ్మకాల జాఢ్యం పట్టిపీడిస్తూనే ఉంది. ఇందుకు ప్రత్యక్ష నిదర్శనమే తమిళనాడులో జరిగిన ఈ ఘటన.

తమిళనాడులోని తిరువన్నామలై జిల్లా, కన్నమంగళం గ్రామానికి చెందిన తిలకవతి అనే మహిళ.. దెయ్యం పట్టుకుందని తన ఏడేళ్ల కొడుకును కొట్టి చంపింది. తన కుమారుడికి దెయ్యం పట్టిందని భావించిన తిలకవతి కన్నమంగళంలోని ఓ మాంత్రికుణ్ని సంప్రదించింది. ఆ రాత్రి మాంత్రికుడు ఉండే ప్రదేశంలోనే తన కుమారుడితో పాటు బస చేసింది. అయితే ఉన్నట్టుండి బాలుడికి మూర్చ రాగా.. తిలకవతి వైద్యం అందించే బదులు తన తోబుట్టువులతో కలిసి బాలుణ్ని తీవ్రంగా కొట్టింది. దాంతో ఆ బాలుడు అక్కడికక్కడే ప్రాణాలు విడిచాడు. సమాచారం అందుకున్న పోలీసులు తిలకవతి సహా మరో ఇద్దరు మహిళలను అదుపులోకి తీసుకున్నారు. ఈ ఘటనపై దర్యాప్తు చేపట్టిన పోలీసులు బాలుడి మృతదేహాన్ని పోస్టుమార్టం నిమిత్తం వేలూరు ప్రభుత్వాసుపత్రికి తరలించారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని