నీరు అడిగినందుకు రైతులను నిర్బంధించిన సర్పంచ్‌!

తాజా వార్తలు

Updated : 05/04/2021 13:58 IST

నీరు అడిగినందుకు రైతులను నిర్బంధించిన సర్పంచ్‌!

శంకరంపేట: పంట పొలాలకు నీరు విడుదల చేయాలని అడిగిన రైతులను గ్రామ సర్పంచి నిర్బంధించిన సంఘటన మెదక్‌ జిల్లా శంకరంపేట మండలం శలిపేట గ్రామంలో జరిగింది. మండుతున్న ఎండలకు భూగర్భ జలాలు అడుగంటాయి. ఫలితంగా గ్రామంలోని పంట పొలాలు ఎండిపోతున్నాయి. అందువల్ల గ్రామంలోని నల్ల చెరువు నుంచి నీరు విడుదల చేయాలంటూ కొందరు రైతులు తహసీల్దారును కోరారు. స్పందించిన తహసీల్దార్‌ వీఆర్‌వోను పంపించగా, సర్పంచి కలుగజేసుకొని గ్రామసభ నిర్వహించిన తర్వాతే నీరు వదులుతామని తెలిపారు. అయితే సర్పంచి గ్రామసభ పెట్టకుండా కాలయాపన చేస్తుండటంతో నీరు విడుదల చేసేందుకు రైతులు చెరువు కట్టకు వెళ్లారు. విషయం తెలుసుకున్న సర్పంచి, అతడి కుమారులు రైతులతో వాగ్వాదానికి దిగారు. తమను అసభ్య పదజాలంతో దూషించి గ్రామ పంచాయతీ కార్యాలయంలో నిర్బంధించారని రైతులు ఆరోపించారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని