Khammam: చేపల పెట్టెల్లో రూ.8 కోట్ల విలువైన గంజాయి 

తాజా వార్తలు

Updated : 29/07/2021 10:52 IST

Khammam: చేపల పెట్టెల్లో రూ.8 కోట్ల విలువైన గంజాయి 

భద్రాద్రి: ఉమ్మడి ఖమ్మం జిల్లా పరిధిలో భారీ స్థాయిలో గంజాయి పట్టుబడింది. రెండు వేర్వేరు ఘటనల్లో కలిపి మొత్తం రూ.8 కోట్లకు పైగా విలువైన 4,483 కిలోల గంజాయిని పోలీసులు స్వాధీనం చేసుకున్నారు. భద్రాద్రి జిల్లాలో రూ.7.30 కోట్లు, ఖమ్మం గ్రామీణ పరిధిలో రూ.1.98 కోట్లు విలువైన గంజాయిని పోలీసులు స్వాధీనం చేసుకున్నారు. భద్రాద్రి జిల్లా చుంచుపల్లి పరిధిలోని విద్యానగర్‌లో పోలీసులు వాహనాల తనిఖీలు నిర్వహించారు. ఈ క్రమంలో అటుగా వచ్చిన రెండు లారీలను పోలీసులు తనిఖీ చేశారు. రెండు లారీల్లోనూ చేపల పెట్టెల్లో గంజాయి తరలిస్తున్నట్టు గుర్తించారు. రెండు లారీల్లో కలిపి మొత్తంగా 3,653 కిలోల గంజాయిని స్వాధీనం చేసుకున్న పోలీసులు.. అక్రమంగా తరలిస్తున్న ఐదుగురు నిందితులను అదుపులోకి తీసుకున్నారు. ఖమ్మం జిల్లా చింతూరు నుంచి హైదరాబాద్‌ మీదుగా హరియాణాకు గంజాయి తరలిస్తున్నట్లు పోలీసుల ప్రాథమిక దర్యాప్తులో తేలిందని ఖమ్మం సీపీ విష్ణు వారియర్‌ వెల్లడించారు. మరోవైపు ఖమ్మం గ్రామీణం పరిధిలోనూ రూ.1.98 కోట్ల విలువైన గంజాయిని పోలీసులు స్వాధీనం చేసుకున్నారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని