ATM: ఏటీఎంలో రూ.65 లక్షల చోరీ.. కర్నూలు జిల్లా డోన్‌లో ఘటన

తాజా వార్తలు

Updated : 31/08/2021 08:25 IST

ATM: ఏటీఎంలో రూ.65 లక్షల చోరీ.. కర్నూలు జిల్లా డోన్‌లో ఘటన

డోన్‌ పట్టణం, న్యూస్‌టుడే: కర్నూలు జిల్లా డోన్‌లో పోలీసు స్టేషన్‌, డీఎస్పీ కార్యాలయానికి కూతవేటు దూరంలో ఉన్న ఏటీఎంలో దొంగలు బీభత్సం సృష్టించారు. ఆదివారం రాత్రి ఏటీఎంలోకి చొరబడి రూ.65 లక్షలకుపైగా దోచుకున్నారు. నెహ్రూనగర్‌ ప్రధాన రహదారిలో ఉన్న ఎస్‌బీఐ ఏటీఎం యంత్రాలను గ్యాస్‌ కట్టర్‌, గడ్డపారతో ధ్వంసం చేసి చోరీకి పాల్పడ్డారు. ఈ విషయాన్ని సోమవారం ఉదయం గుర్తించిన స్థానికులు... పోలీసులకు సమాచారం అందించారు. పోలీసులు, బ్యాంకు అధికారులు ఏటీఎంను పరిశీలించారు. రాత్రి 2.56 గంటలప్పుడు ఈ సంఘటన జరిగినట్లు అంచనా వేశారు. శని, ఆది, సోమవారాలు బ్యాంకులకు సెలవు కావడంతో ముందస్తుగా శుక్రవారం రెండు ఏటీఎం యంత్రాల్లో రూ.85 లక్షలు పెట్టినట్లు, రూ.65,61,900 చోరీకి గురైనట్లు తెలిపారు. ఏటీఎం బయట ఉన్న సీసీటీవీని పగుల గొట్టి, లోపల ఉన్న కెమెరాను పక్కకు తిప్పిన తీరును బట్టి అనుభవమున్న దొంగలే ఈ చోరీ చేసి ఉంటారని భావిస్తున్నారు.


Advertisement

Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని