Father and Son: అనారోగ్యంతో తండ్రి.. ఆవేదనతో కుమారుడు

తాజా వార్తలు

Updated : 01/09/2021 07:19 IST

Father and Son: అనారోగ్యంతో తండ్రి.. ఆవేదనతో కుమారుడు

గంటల వ్యవధిలో కన్నుమూత

కుటుంబంలో శుభకార్యానికి ముందురోజు ఘటన

ఆత్మకూర్‌(ఎస్‌), న్యూస్‌టుడే: మరికొన్ని గంటల్లో ఆ ఇంట్లో నిశ్చితార్థం సందడి మొదలుకానుంది. ఇంతలోనే విషాదం ముంచుకొచ్చింది. అనారోగ్యంతో ఇంటిపెద్ద మృత్యువాత పడగా, ఆయన మరణవార్త విన్న కుమారుడూ తనువుచాలించడంతో ఆ ఇంట విషాదం అలముకుంది. స్థానికులు, కుటుంబ సభ్యులు తెలిపిన వివరాల ప్రకారం... సూర్యాపేట జిల్లా ఆత్మకూర్‌(ఎస్‌) మండలం నంద్యాలగూడేనికి చెందిన నంద్యాల సత్తిరెడ్డి(82), లక్ష్మమ్మ దంపతులకు కుమారుడు వెంకట్‌రెడ్డి (47), మరో ముగ్గురు కుమార్తెలు. ఉద్యోగరీత్యా హైదరాబాద్‌ బోడుప్పల్‌లో స్థిరపడిన వెంకట్‌రెడ్డికి ఇద్దరు కుమార్తెలు. బుధవారం పెద్ద కుమార్తె శ్రావ్య నిశ్చితార్థం కావడంతో వెంకట్‌రెడ్డి ఆగస్టు 29న తల్లిదండ్రులను హైదరాబాద్‌కు తీసుకెళ్లారు. యథావిధిగా సోమవారం విధులకు వెళ్లారు. సత్తిరెడ్డి సోమవారం సాయంత్రం 7 గంటల సమయంలో అస్వస్థతకు గురవడంతో కుటుంబ సభ్యులు వెంకట్‌రెడ్డికి సమాచారమిచ్చారు. ఇంటికి వచ్చేలోపే తండ్రి మరణించడంతో ఆయనా కుప్పకూలిపోయాడు. కుటుంబ సభ్యులు ఆయన్ను హుటాహుటిన స్థానిక ఆసుపత్రికి, తర్వాత మలక్‌పేటలోని ఓ కార్పొరేట్‌ ఆసుపత్రికి తరలించారు. అప్పటికే ఆయన మృతిచెందినట్లు వైద్యులు ధ్రువీకరించారు.


Advertisement

Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని