Hyderabad news: పూజారినంటూ బంగారం, వెండి ఆభరణాలతో ఉడాయింపు

తాజా వార్తలు

Updated : 03/08/2021 16:51 IST

Hyderabad news: పూజారినంటూ బంగారం, వెండి ఆభరణాలతో ఉడాయింపు

హైదరాబాద్: పూజారినంటూ గుర్తుతెలియని వ్యక్తి మహిళను మోసం చేసి బంగారం, వెండి ఆభరణాలతో ఉడాయించాడు. హైదరాబాద్‌ బంజారాహిల్స్‌లో చోటుచేసుకున్న ఈ ఘటన ఆలస్యంగా వెలుగులోకి వచ్చింది. వివరాల్లోకి వెళ్తే.. బంజారాహిల్స్ రోడ్ నెంబర్‌ 14లో నివాసముంటున్న ఓ మహిళ ఇంటికి గత నెల 31న ఉదయం 9గంటల ప్రాంతంలో గుర్తుతెలియని వ్యక్తి వచ్చి తననుతాను పూజారిగా పరిచయం చేసుకున్నాడు. ఆమె ఇంటికి సమీపంలోనే పనిచేస్తున్నానంటూ నమ్మించాడు. పూజ కోసం మామిడి ఆకులు కావాలని ఆమెతో మాటలు కలిపాడు.

దేవుడికి బంగారు, వెండి ఆభరణాలతో పూజలు చేస్తే జీవితంలో మంచి జరుగుతుందని మాయమాటలు చెప్పాడు. ఈ క్రమంలో రూ.2.90 లక్షల విలువైన మూడు తులాల బంగారు గొలుసు, బంగారు నెక్లెస్‌, 17 తులాల వెండి ఆభరణాలను నిందితుడికి ఇచ్చేసింది. పూజలు చేసిన తర్వాత తిరిగి తీసుకొస్తానని చెప్పి వెళ్లిపోయిన నిందితుడు ఎంతకూ తిరిగి రాలేదు. ఫోన్‌ చేసినా స్పందించకపోవడంతో మోసపోయానని గ్రహించిన రేణుక పోలీసులను ఆశ్రయించారు. కేసు నమోదు చేసిన పోలీసులు దర్యాప్తు చేపట్టారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని