Crime News: భూత వైద్యం పేరుతో ఘోరం

తాజా వార్తలు

Updated : 18/10/2021 04:35 IST

Crime News: భూత వైద్యం పేరుతో ఘోరం

మహిళపై అత్యాచారయత్నం ప్రతిఘటించడంతో దారుణ హత్య 
భూత వైద్యుడిని కొట్టి చంపిన గ్రామస్థులు 

ఒంగోలు నేరవిభాగం, న్యూస్‌టుడే: ప్రకాశం జిల్లా జరుగుమల్లి మండలం కామేపల్లిలో దారుణం చోటుచేసుకుంది. వ్యవసాయ పనులకు కూలీలను పిలిచేందుకు వెళ్లిన మహిళను కాళ్లు, చేతులు కట్టేసి గొడ్డలితో నరికి చంపాడు ఓ నాటు వైద్యుడు. విషయం తెలుసుకున్న గ్రామస్థులు అతన్ని కర్రలతో కొట్టి చంపారు. అతన్ని కాపాడే క్రమంలో జరుగుమల్లి ఎస్సై రజియా సుల్తానా బేగం కూడా గాయపడ్డారు. ఇందుకు సంబంధించిన వివరాలు ఇలా ఉన్నాయి... కామేపల్లి గ్రామానికి చెందిన వంకాయలపాటి విజయలక్ష్మి అలియాస్‌ విజయ(42) వ్యవసాయ పనుల కోసం కూలీలను పిలిచేందుకు ఆదివారం రాత్రి సుమారు 8.30 గంటల సమయంలో వుడ్డెపాలెం వెళ్లారు. సోమవారం ఉదయం పని కోసం కూలీలను పిలుస్తుండగా అదే కాలనీకి చెందిన వల్లెపు ఓబయ్య(51) ఈ విషయాన్ని గమనించాడు. ఆమెను పలకరించి మాటలు కలిపాడు. అనంతరం మోకాళ్ల నొప్పులకు మందులిస్తాను రమ్మంటూ ఆమెను ఇంటికి పిలిచాడు. అతన్ని నమ్మి లోపలకు వెళ్లిన విజయను బలత్కరించేందుకు ప్రయత్నించాడు. ఊహించని ఈ పరిణామంతో విజయలక్ష్మి తీవ్రంగా ప్రతిఘటించి గట్టిగా కేకలు వేసింది. విషయం బయటకు చెబితే తనకు ఇబ్బందులొస్తాయని భావించిన ఓబయ్య ఆమెపై దాడి చేశాడు. కాళ్లు, చేతులు కట్టేసి ఆపై గొడ్డలితో నరికి చంపాడు. 

అనంతరం ఇంటి నుంచి బయటకు వచ్చి విజయలక్ష్మిని హత్యచేసిన విషయాన్ని తన కుటుంబీకులకు చెప్పాడు. వెంటనే జరుగుమల్లి పోలీసులకు వారు సమాచారం ఇచ్చారు. ఎస్సై రజియా సుల్తానా బేగం హుటాహుటిన సిబ్బందితో సంఘటనా స్థలానికి చేరుకుని పరిశీలించారు. అక్కడే ఉన్న నిందితుడు ఓబయ్యను తన వాహనంలో ఎక్కించుకుని స్టేషన్‌కు తరలించేందుకు ప్రయత్నించారు. అప్పటికే ఆగ్రహంతో ఊగిపోతున్న గ్రామస్థులు ఒక్కసారిగా ఓబయ్యపై దాడి చేశారు. పోలీసు వాహనంలో ఉన్న ఓబయ్యను బయటికి లాగి దాడి చేశారు. అడ్డుకోబోయిన ఎస్సై పైనా దాడి చేశారు. స్థానికులు విచక్షణారహితంగా దాడి చేయటంతో ఓబయ్య అక్కడికక్కడే మృతి చెందాడు. ఈ విషయం తెలియడంతో కామేపల్లి గ్రామంలో పోలీసులు పెద్దఎత్తున మొహరించారు. ప్రస్తుతం గ్రామంలో ఉద్రిక్త వాతావరణం నెలకొంది. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని