Crime news: యువతిపై అత్యాచారం చేసి.. 10వ అంతస్తు నుంచి కిందకు తోసేసి!

తాజా వార్తలు

Published : 24/09/2021 01:18 IST

Crime news: యువతిపై అత్యాచారం చేసి.. 10వ అంతస్తు నుంచి కిందకు తోసేసి!

కాన్పూర్‌: మహిళలపై లైంగిక అకృత్యాలు రోజురోజుకీ మితిమీరిపోతున్నాయి. ఎన్ని కఠిన చట్టాలు తీసుకొస్తున్నా అతివలపై దారుణాలు మాత్రం ఆగడంలేదు. తాజాగా మరో పాశవిక ఘటన ఉత్తరప్రదేశ్‌లోని కాన్పూర్‌లో చోటుచేసుకుంది. 19ఏళ్ల యువతిని రేప్‌ చేసి పదో అంతస్తు నుంచి తోసేశాడో మానవమృగం. తన వద్ద ఉద్యోగం చేస్తున్న యువతిని లైంగికంగా లొంగదీసుకొనేందుకు చేసిన ప్రయత్నం బెడిసికొట్టడంతో ప్రణాళిక ప్రకారం తన ఫ్లాట్‌కు రప్పించి ఈ దారుణానికి ఒడిగట్టాడు. తొలుత తమను తప్పుదారి పట్టించేందుకు ప్రయత్నించినప్పటికీ.. చివరకు నేరం అంగీకరించాడని పోలీసుల వెల్లడించారు. 

ఈ ఘటనపై పోలీసులు తెలిపిన వివరాల ప్రకారం. ప్రతీక్‌ వైశ్‌ (40) అనే వ్యక్తి డెయిరీ నిర్వహిస్తున్నాడు. అతడి వద్ద బాధిత యువతి సెక్రటరీగా పనిచేస్తోంది. ఆమెపై కన్నేసిన ప్రతీక్‌.. మంగళవారం పని ఉందని చెప్పి బాధితురాలిని కల్యాణ్‌పూర్‌లోని తన ఫ్లాట్‌కు తీసుకెళ్లాడు. తనతో శారీరక సంబంధం పెట్టుకోవాలని బలవంతం చేశాడు. డబ్బు ఇస్తానని కూడా ఆశచూపాడు.. అయితే, అందుకు ఆమె నిరాకరించింది. దీంతో ఆమెపై అత్యాచారానికి పాల్పడినట్టు డిప్యూటీ పోలీస్‌ కమిషనర్‌ బీబీజీటీఎస్‌ మూర్తి వివరించారు. ఈ దారుణం గురించి పోలీసులకు చెబుతానని ఆమె బెదిరించడంతో నిందితుడు పదో అంతస్తులో తాను ఉంటున్న ఫ్లాట్‌ బాల్కనీ నుంచి కిందకు తోసేయడంతో మృతిచెందిందని పోలీసులు తెలిపారు. నిందితుడుని బుధవారం అరెస్టు చేసి చీఫ్‌ మెట్రోపాలిటన్‌ మెజిస్ట్రేట్‌ ఎదుట హాజరు పరిచి కస్టడీకి తరలించినట్టు తెలిపారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని