‘70 మంది యువతులను బ్లాక్‌మెయిల్‌ చేశాడు’

తాజా వార్తలు

Published : 04/02/2021 01:47 IST

‘70 మంది యువతులను బ్లాక్‌మెయిల్‌ చేశాడు’

ఇన్‌స్టాగ్రామ్‌లో నకిలీ ఖాతాలతో యువకుడి మోసం

హైదరాబాద్‌: ఇన్‌స్టాగ్రామ్‌లో యువతి ప్రొఫైల్‌ ఫొటోతో నకిలీ ఖాతా తెరిచి చాటింగ్‌లో పరిచయమైన వారిని బెదిరిస్తున్న సుమంత్‌ అనే యువకుడిని హైదరాబాద్‌ సైబర్‌క్రైమ్‌ పోలీసులు అరెస్ట్‌ చేశారు. 70 మంది యువతులను సుమంత్‌ బ్లాక్‌మెయిల్‌ చేసినట్లు గుర్తించారు. ఓ బాధితురాలి ఫిర్యాదుతో కేసు నమోదు చేసిన పోలీసులు.. నిందితుడిని అరెస్ట్‌ చేశారు. 

విజయవాడకు చెందిన సుమంత్.. నగరంలోని మణికొండలో నివాసముంటూ ఓ ప్రైవేటు సంస్థలో ఉద్యోగం చేస్తున్నాడు. రాత్రి కాగానే ఇన్‌స్టాగ్రామ్‌లో యువతి అవతారమెత్తుతాడు. అందమైన ఫొటోలు పెట్టి నకిలీ ఖాతాలు తెరుస్తాడు. యువతిలాగే భావించి అవతలి వాళ్లు స్పందిస్తే అసభ్యకరమైన చిత్రాలు పంపిస్తాడు. ఈ క్రమంలోనే ఎదుటివారి ఫొటోలు కూడా సేకరిస్తాడు. ఆ తర్వాత బ్లాక్‌మెయిల్‌కు పాల్పడతాడు. దీనిపై పక్కా ఆధారాలు సేకరించిన సైబర్‌క్రైమ్‌ పోలీసులు.. సుమంత్‌ను అరెస్ట్‌ చేసి రిమాండ్‌కు తరలించారు. 

ఇవీ చదవండి..

మానసిక వైద్యశాలకు మదనపల్లె నిందితులు

తమ్ముళ్లను చంపిన అన్నలు 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని