తెదేపా వర్గీయులపై వైకాపా దాడి

ఐదుగురికి గాయాలు ఒకరి పరిస్థితి విషమం

ఎ.కొండూరు, న్యూస్‌టుడే: కృష్ణా జిల్లా ఎ.కొండూరు మండలం గొల్లమందల పంచాయతీ ఎన్నికల్లో ఓటమిని జీర్ణించుకోలేని వైకాపా మద్దతుదారులు తెదేపా వర్గీయులపై దాడి చేశారు. ఆదివారం రాత్రి ఓట్ల లెక్కింపు అనంతరం ఇక్కడ తెదేపా మద్దతు అభ్యర్థి సరిత విజయం సాధించడంతో కొందరు వైకాపా మద్దతుదారులు బీభత్సం సృష్టించారు. రహదారి పక్కన నిలిపిన వాహనాలను ధ్వంసం చేశారు. తెదేపా మద్దతుదారుల ఇళ్లపై కర్రలతో దాడి చేశారు. ఈ సంఘటనలో ఐదుగురు గాయపడ్డారు. పాలకొల్లు సోమయ్య తలకు బలమైన గాయాలయ్యాయి. ఆయన్ను విజయవాడలోని ఓ ప్రైవేటు ఆస్పత్రికి పంపించారు.