close

ప్రధానాంశాలు

Updated : 23/02/2021 05:47 IST
Facebook Share Twitter Share WhatsApp Share Telegram Share

ఓటు వేయలేదని దాడి

బాధితుడి పరిస్థితి విషమం

వత్సవాయి, న్యూస్‌టుడే: పంచాయతీ ఎన్నికల్లో ఓటు వేయలేదని తమపై వైకాపా కార్యకర్తలు దాడిచేశారని కృష్ణాజిల్లా వత్సవాయి మండలం తాళ్లూరుకు చెందిన పెద్ది తిరపతయ్య ఆరోపించారు. సుమారు 20 మంది ఇనుప రాడ్లు, సుబాబుల్‌ కర్రలతో దాడిచేయడంతో ఆయన తలకు, కాళ్లకు తీవ్రగాయాలయ్యాయి. అడ్డు వచ్చిన అతని కుమారుడు ఉపేంద్ర, కుమార్తె ధనలక్ష్మిలను కూడా గాయపరిచారు. తిరపతయ్యను వెంటనే ఖమ్మం జిల్లా మధిరలోని ఓ ప్రైవేటు ఆసుపత్రికి తీసుకెళ్లి ప్రథమ చికిత్స చేయించారు. అనంతరం జగ్గయ్యపేట ప్రభుత్వాసుపత్రికి తీసుకువచ్చారు. అతని పరిస్థితి విషమంగా ఉండటంతో వైద్యులు విజయవాడ ప్రభుత్వాసుపత్రికి తరలించాలని సూచించారు. మాజీ ఎమ్మెల్యే శ్రీరాం తాతయ్య బాధితులను పరామర్శించారు. ఒకరికి తీవ్ర గాయాలయ్యాయని, బాధితుల నుంచి ఫిర్యాదు అందగానే కేసు నమోదు చేస్తామని ఎస్సై సోమేశ్వరరావు చెప్పారు. ఎస్టీ సామాజిక వర్గానికి చెందిన తిరపతయ్య, అతని కుటుంబసభ్యులపై దాడి చేయడం దుర్మార్గమని తెదేపా అధినేత చంద్రబాబు ధ్వజమెత్తారు.



Tags :

ప్రధానాంశాలు

జిల్లా వార్తలు
మరిన్ని

దేవతార్చన