వంట చేస్తుండగా మంటలు

తల్లీకూతుళ్ల సజీవ దహనం

మెదక్‌, న్యూస్‌టుడే: వంట చేస్తుండగా మంటలు అంటుకొని తల్లీకూతుళ్లు సజీవ దహనమయ్యారు. గురువారం మెదక్‌లో ఈ విషాదం చోటు చేసుకుంది. గట్టయ్య, నాగమణి అలియాస్‌ రేవతి (28)లకు అయిదేళ్ల క్రితం వివాహమైంది. గట్టయ్య ఉదయం 9 గంటలకే విధులకు వెళ్లిపోయారు.10.30 గంటల ప్రాంతంలో ఇంట్లో రేవతి (28)వంట చేస్తుండగా చున్నీకి నిప్పంటుకుంది. అక్కడే ఉన్న కుమార్తె ఆద్యశ్రీ (3)కి మంటలు వ్యాపించాయి. ఈ ప్రమాదంలో ఇద్దరూ సజీవ దహనమయ్యారు. ఇంటి యాజమాని మృతురాలి కుటుంబసభ్యులకు సమాచారం అందించారు. ఆమె తల్లిదండ్రులు, భర్త సంఘటన స్థలానికి చేరుకొని మృతదేహాలను చూసి బోరున విలపించారు.