Crime News: జూబ్లీహిల్స్‌లో స్థిరాస్తి వ్యాపారిపై కత్తితో దాడి
eenadu telugu news
Updated : 27/10/2021 11:13 IST

Crime News: జూబ్లీహిల్స్‌లో స్థిరాస్తి వ్యాపారిపై కత్తితో దాడి

జూబ్లీహిల్స్‌: హైదరాబాద్‌ జూబ్లీహిల్స్‌లో స్థిరాస్తి వ్యాపారిపై దాడి జరిగింది. వ్యాపారి రవీందర్‌రెడ్డిపై బుధవారం ఓ వ్యక్తి కత్తితో దాడి చేశాడు. ఎస్సై నవీన్‌రెడ్డి తెలిపిన వివరాల ప్రకారం.. జూబ్లీహిల్స్‌ రోడ్‌ నంబర్‌ 78లో నివసించే రవీందర్‌రెడ్డి, అతడి బంధువు మోహన్‌రెడ్డికి మధ్య గత కొద్దిరోజులుగా వివాదాలు ఉన్నాయి. బేగంపేట ప్రాంతంలో విక్రయించిన స్థలానికి సంబంధించిన కమీషన్‌ సొమ్ము రూ.6లక్షల వ్యవహారంలో ఇద్దరికీ గొడవలు జరుగుతున్నాయి.

ఈ నేపథ్యంలో మోహన్‌రెడ్డి.. రవీందర్‌రెడ్డిపై కత్తితో దాడి చేశాడు. ఈ ఘటనలో రవీందర్‌రెడ్డికి తీవ్రగాయాలు కావడంతో కుటుంబసభ్యులు ఆస్పత్రికి తరలించారు. మరోవైపు దాడికి పాల్పడిన మోహన్‌రెడ్డి జూబ్లీహిల్స్‌ పోలీస్‌స్టేషన్‌లో లొంగిపోయాడు. పోలీసులు ఘటనాస్థలానికి చేరుకుని దాడికి ఉపయోగించిన కత్తిని స్వాధీనం చేసుకుని వివరాలు సేకరిస్తున్నారు.


Advertisement

Tags :

మరిన్ని

జిల్లా వార్తలు
తాజా వార్తలు
మరిన్ని