close

శుక్రవారం, జనవరి 18, 2019

తాజా వార్తలు

అగ్రవర్ణాల రిజర్వేషన్లపై కేంద్రం వెనక్కి తగ్గే వరకు పోరాడతాం

గుంటూరు సిటీ: కేంద్ర ప్రభుత్వం అగ్రవర్ణాల్లోని పేదలకు 10 శాతం రిజర్వేషన్‌ కల్పిస్తూ పార్లమెంట్‌లో ప్రవేశపెట్టిన బిల్లుకు నిరసనగా ఆంధ్రప్రదేశ్‌ బీసీ సంక్షేమ సంఘం ఆధ్వర్యంలో జిల్లాలోని కలెక్టరేట్‌ కూడలి వద్ద శుక్రవారం నిరసన ప్రదర్శించారు. ఈ సందర్భంగా సంఘ రాష్ట్ర అధ్యక్షుడు శంకరరావు మాట్లాడుతూ.. సామాజిక వివక్షకు గురయ్యేవారు మాత్రమే రిజర్వేషన్ల ఫలాలు పొందేందుకు అనుగుణంగా డాక్టర్‌ బీఆర్‌ అంబేడ్కర్‌ రాజ్యాంగంలో పొందుపరిచారని తెలిపారు. రాబోయే కాలంలో ఎన్నికలు సమీపిస్తున్న నేపథ్యంలో కేంద్రంలోని భాజపా ప్రభుత్వం ఓసీల ఓటు బ్యాంక్‌ పొందేందుకే హుటాహుటిన వారికి పది శాతం రిజర్వేషన్‌ ప్రకటించారని వెల్లడించారు. దేశవ్యాప్తంగా అధిక సంఖ్యలో ఉన్న బీసీలకు 50 శాతం మాత్రమే రిజర్వేషన్లు కల్పిస్తుంటే, స్వల్ప శాతంలో ఉన్న ఓసీలకు మాత్రం పది శాతం రిజర్వేషన్‌ ఏ విధంగా ప్రకటిస్తారని ఆగ్రహం వ్యక్తం చేశారు. ఇప్పటికైనా కేంద్రం అగ్రవర్ణాలకు ప్రకటించిన రిజర్వేషన్లపై వెనక్కి తగ్గకుంటే రాబోయే కాలంలో తమ పోరాటాలను ఉద్ధృతం చేస్తామన్నారు. ముందుగా మార్కెట్‌ కూడలిలోని జ్యోతిరావు పూలే విగ్రహం నుంచి కలెక్టరేట్‌ వరకు ర్యాలీని ప్రదర్శించారు. 

జిల్లా వార్తలు

మరిన్ని వార్తలు

ప్రధానాంశాలు

© 1999 - 2019 Ushodaya Enterprises Pvt.Ltd,All rights reserved.
Powered By Margadarsi Computers
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Terms & Conditions | Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.