నట్టింట్లో క్రోమ్‌తో.. వెబ్‌ విహారం!

లాక్‌డౌన్‌లో...

బయట విహరించడానికి వీలు లేనప్పుడు ఏం చేస్తాం? సింపుల్‌.. ఇంట్లోనే కూర్చుని హాయిగా వెబ్‌ విహారం చేస్తాం. మరి, నెట్టింట్లో తిరిగేందుకు మీరు వాడేది క్రోమ్‌ బ్రౌజరేనా?అయితే, గూగుల్‌ ఎప్పటికప్పుడు సరికొత్త అప్‌డేట్స్‌తో నెటిజన్లను అలరిస్తోంది. అందుకే ఈ క్రోమ్‌ ముచ్చట్లు.. మీరూ ఫాలో అయిపోండి!!

వీడియోల్ని ఇలా చూశారా?

యూట్యూబ్‌లో అవసరం నిమిత్తం ఏవేవో వీడియోలు చూస్తుంటాం. అవి చూసినంత సేపూ యూట్యూబ్‌ని ఓపెన్‌చేసి ఉంచాల్సిందేనా? వీడియోని వేరే వెబ్‌ పేజీలోకి తెచ్చుకుని చూడడం కుదరదా? అనే సందేహం ఎప్పుడైనా వచ్చిందా? అయితే, ‘పిక్చర్‌ ఇన్‌ పిక్చర్‌’ ఎక్స్‌టెన్షన్‌ని ప్రయత్నించండి. క్రోమ్‌ వెబ్‌ స్టోర్‌ నుంచి బ్రౌజర్‌కి జత చేయొచ్ఛు అడ్రస్‌బార్‌ పక్కనే ఐకాన్‌లా వస్తుంది. ఇక మీరు యూట్యూబ్‌లో ఏదైనా వీడియోని చూస్తూ ఐకాన్‌గుర్తుపై క్లిక్‌చేస్తే.. చూస్తున్న వీడియో క్లిప్‌ మరో ప్రత్యేక వీడియోగా ఓపెన్‌ అవుతుంది. ఆ బాక్స్‌ని మీరు ఎక్కడైనా పెట్టుకుని వీక్షించొచ్చు.

‘నో’ చెప్పేందుకు..

రోజూ ఏవేవో వెబ్‌సైట్‌లు చూస్తుంటాం. ఏదైనా వెబ్‌సైట్‌లోని సమాచారం బాగా నచ్చితే నిత్యం ఆ సైట్‌కి సంబంధించిన అప్‌డేట్స్‌ని తెలుసుకునేందుకు ‘నోటిఫికేషన్స్‌’ని ఎనేబుల్‌ చేస్తాం. ఇలా కనిపించిన ప్రతి వెబ్‌సైట్‌కీ నోటిఫికేషన్స్‌ ఎనేబుల్‌ చేస్తే బ్రౌజర్‌ మొత్తం అలర్ట్‌లతోనే నిండిపోతుంది. అంతేకాదు.. కొత్తగా ఓపెన్‌ చేసిన ప్రతి సైటూ పదే పదే నోటిఫికేషన్స్‌ కావాలా? అని అడుగుతూనే ఉంటుంది. కొన్ని సార్లు అనుకోకుండా ‘నో’ నొక్కబోయి ‘యెస్‌’ చెప్పే సందర్భాలూ ఉంటాయి. అసలు ఏ వెబ్‌సైటూ అలా అనుమతి కోరకుండా ఆప్షన్‌ని డిసేబుల్‌ చేయొచ్చు తెలుసా? క్రోమ్‌ సెట్టింగ్స్‌లోకి వెళ్లి ఉన్న అనుమతుల్ని తొలగించొచ్ఛు కావాలంటే.. ఆప్షన్‌ని డిసేబుల్‌ చేయొచ్ఛు సెట్టింగ్స్‌లోకి వెళ్లాక ‘ప్రైవసీ అండ్‌ సెక్యూరిటీ’ మెనూని క్లిక్‌ చేయండి. దాంట్లోని ‘సైట్‌ సెట్టింగ్స్‌’ ఎంపిక చేసుకుని ‘నోటిఫికేషన్స్‌’లోకి వెళ్లండి. దాంట్లోనే మీరు అనుమతి ఇచ్చిన సైట్‌లు అన్నీ కనిపిస్తాయి. అక్కర్లేదు అనుకుంటే ఒక్కొక్కటిగా జాబితా నుంచి తొలగించొచ్ఛు ఇకపై ఏ సైటూ మిమ్మల్ని అనుమతి కోరకూడదు అనుకుంటే నోటిఫికేషన్స్‌ ఆప్షన్‌ని డిసేబుల్‌ చేయొచ్ఛు కావాలంటే కొన్ని సైట్‌లకే పరిమితం చేయొచ్చు కూడా.

‘గెస్ట్‌’గానే ఉండండి..

పలు అవసరాలకు అనుకోకుండా ఇతరుల కంప్యూటర్‌లను వాడాల్సి వస్తుంది. లేదంటే.. ఏ ఇంటర్నెట్‌ కేఫ్‌లోనో బ్రౌజింగ్‌ చేయాల్సివస్తుంది. లేదంటే.. మీరు నిత్యం వాడే కంప్యూటర్‌ని ఇతరులకు బ్రౌజింగ్‌ నిమిత్తం ఇవ్వాల్సి వస్తుంది. అప్పుడు ఏం చేస్తారంటే.. ‘గెస్ట్‌’ మోడ్‌లోనే బ్రౌజింగ్‌ చేయండి. క్రోమ్‌ని ఓపెన్‌ చేశాక యూజర్‌ ప్రొఫైల్‌పై క్లిక్‌ చేయండి. వచ్చిన డ్రాప్‌డౌన్‌ మెనూలో ‘గెస్ట్‌’ ఆప్షన్‌ కనిపిస్తుంది. క్లిక్‌ చేస్తే గెస్ట్‌ బ్రౌజింగ్‌ విండో ప్రత్యేకంగా ఓపెన్‌ అవుతుంది. ఇక మీరు వెబ్‌ విహారాన్ని ప్రారంభించొచ్ఛు ఒక్కసారి గెస్ట్‌ విండో క్లోజ్‌ చేస్తే.. మీ వెబ్‌ విహారానికి సంబంధించిన ఆనవాళ్లు ఏవీ కనిపించవు.

‘ఆఫీస్‌’ లేకుండానే..

అనుకోకుండా వర్డ్‌, పీపీటీ, ఎక్సెల్‌.. ఫైల్స్‌ని ఓపెన్‌ చేయాల్సి వస్తుంది. లేదంటే.. ఎడిట్‌ చేయాలి? మీరేమో ఇంట్లోనే ఉన్నారు. మీకు అందుబాటులో ఉన్న సిస్టంలో ఆఫీస్‌ సాఫ్ట్‌వేర్‌లు లేవు. అప్పుడేం చేస్తారు? అలాంటి అప్లికేషన్‌ సాఫ్ట్‌వేర్‌ల కోసం వెతకాల్సిన పని లేదు. Office Editing for Docs, Sheets & Slides ఎక్స్‌టెన్షన్‌ని బ్రౌజర్‌కి జత చేయండి చాలు. గూగుల్‌ అందించే దీన్ని క్రోమ్‌ వెబ్‌ స్టోర్‌ నుంచి బ్రౌజర్‌లో ఇన్‌స్టాల్‌ చేయొచ్ఛు అడ్రస్‌బార్‌ పక్కనే కొత్త ఐకాన్‌ గుర్తు కనిపిస్తుంది. ఇక ఆఫీస్‌ ఫైల్‌ ఏదైనా ఓపెన్‌ చేసుకుని ఎడిటింగ్‌ చేయొచ్ఛు కొత్తవి క్రియేట్‌ చేసుకోవచ్చు.

చదివి వినిపిస్తుంది..

బ్రౌజింగ్‌ చేస్తూ కావాల్సిన సమాచారాన్ని వెబ్‌ పేజీల్లో చదువుతుంటాం. అలాంటప్పుడు కొన్ని సార్లు టెక్స్ట్‌ మధ్యలో ఏవేవో ప్రకటనలు.. వీడియోలు.. పొంతన లేని విషయాలు మనల్ని ఇబ్బంది పెడుతుంటాయి. అలాంటి ఇబ్బంది ఎదురవకుండా వెబ్‌ పేజీల్లోని సమాచారాన్ని బ్రౌజరే చదివి వినిపిస్తే! క్రోమ్‌లో ఇలాంటి సదుపాయం ఉంది. మీరు వాడే బ్రౌజర్‌ వెర్షన్‌ 75 తర్వాత అయితే ‘రీడర్‌ మోడ్‌’ ఆప్షన్‌ని ఎనేబుల్‌ చేయొచ్ఛు దీంట్లో చదవాలనుకునే వ్యాసం మొత్తం ప్రత్యేక ట్యాబ్‌లోకి లోడ్‌ అవుతుంది. రీడర్‌మోడ్‌ని ఎనేబుల్‌ చేసేందుకు chrome://flags/#enable-reader-mode కమాండ్‌ని అడ్రస్‌బార్‌లో టైప్‌ చేసి ఎంటర్‌ నొక్కితే ప్రత్యేక ట్యాబ్‌లో ఆప్షన్లు కనిపిస్తాయి. వాటిల్లో రీడర్‌మోడ్‌ని ఎనేబుల్‌ చేసి బ్రౌజర్‌ని రీలాంచ్‌ చేయండి. ఒకవేళ రీడర్‌ మోడ్‌ కనిపించకపోతే.. ఎక్స్‌టెన్షన్‌ రూపంలో ఇన్‌స్టాల్‌ చేసుకుని వాడుకోవచ్చు.

సైటు కాస్త యాప్‌లా..

ఫోన్‌లో యాప్‌లను ఓపెన్‌ చేయడం మామూలే. అదే డెస్క్‌టాప్‌ బ్రౌజర్‌లో ఓపెన్‌ చేసిన వెబ్‌సైట్‌ని యాప్‌లా ఓపెన్‌ చేస్తే.. ఒక్క క్లిక్‌తో చేయొచ్ఛు కాకపోతే ఓపెన్‌ చేసిన వెబ్‌సైట్‌ ‘క్రోమ్‌ వెబ్‌స్టోర్‌’ యాప్‌ రూపంలో అందుబాటులో ఉండాలి. మీరు ఓపెన్‌ చేసిన వెబ్‌సైట్‌కి వెబ్‌ యాప్‌ ఉందో.. లేదో తెలుసుకునేందుకు సైట్‌ని ఓపెన్‌ చేశాక అడ్రస్‌ బార్‌ పక్కనే ఐకాన్‌ గుర్తు కనిపిస్తుంది. దానిపై క్లిక్‌ చేసి యాప్‌ని క్రోమ్‌లో ఇన్‌స్టాల్‌ చేయొచ్ఛు ఇక ఎప్పుడైనా వెబ్‌సైట్‌ని యాప్‌లా ఓపెన్‌ చేసి చూడొచ్చు.

గుర్తు చేస్తుంది

రోజులో కొన్ని ముఖ్యమైన పనుల్ని చేద్దాం అనుకుని మర్చిపోతుంటాం. అప్పుడు మీ బ్రౌజరే ఆయా పనుల్ని గుర్తు చేస్తే.. వెబ్‌ విహారంలో పడి ఇక దేన్ని మర్చిపోకుండా ‘టిక్‌టిక్‌’ఎక్స్‌టెన్షన్‌ని ప్రయత్నించొచ్చు.

Tags :