చంద్రధూళికి పగ్గం!

విశ్వం..

అప్పుడెప్పుడో చంద్రుడి మీద మనిషి కాలు మోపాడు. మళ్లీ అలాంటి రోజు ఎప్పుడొస్తుందా అని అంతా ఎదురు చూస్తున్నారు. అంతా అనుకున్నట్టుగా జరిగితే మరో నాలుగేళ్లలో ఇది సాకారం కావొచ్చు. ఆర్టెమిస్‌ ప్రయోగాల్లో భాగంగా నాసా 2024 వరకు చంద్రుడి మీదకు వ్యోమగాములను పంపాలని భావిస్తోంది. అయితే, అంతకన్నా ముందు అక్కడి వాతావరణంలోని చిన్న చిన్న రేణువులు.. అదే ధూళితో తలెత్తే పెద్ద సమస్యలను పరిష్కరించటం చాలా కీలకం. ఈ రేణువులు పగిలిన గాజు ముక్కల్లా ఉంటాయి మరి. ఇవి పరికరాలను దెబ్బతీయొచ్చు. వ్యోమగాములు పీల్చితే హాని కలగొచ్చు. మరింత సంకట స్థితి ఏంటంటే- చంద్రధూళి రేణువులకు విద్యుదావేశం ఉండటం. దీంతో అన్నిచోట్లా అంటుకుపోతాయి. ఇలాంటి ఇబ్బందిని తొలగించటానికే యూనివర్సిటీ ఆఫ్‌ కొలరాడో బౌల్డర్‌ శాస్త్రవేత్తలు ఓ కొత్త పద్ధతిని రూపొందించారు. స్వల్ప శక్తితో కూడిన ఎలక్ట్రాన్‌ పుంజం ద్వారా ధూళి కణాల రేణువుల మధ్య నెగెటివ్‌ విద్యుత్తును సృష్టించటం దీని ప్రత్యేకత. ఫలితంగా రేణువులు వికర్షించుకొని, వస్తువులకు అంటుకోకుండా తేలిపోతాయి. భవిష్యత్తులో వ్యోమనౌకల పరికరాలను శుభ్రం చేయటానికి, వ్యోమగాముల సూట్ల రూపకల్పన వంటి వాటికీ ఇది ఉపయోగపడగలదని శాస్త్రవేత్తలు భావిస్తున్నారు.

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

మరిన్ని

రుచులు

App