ఇ-ముక్కుతీరే వేరు!

టెక్‌ అప్‌డేట్స్‌

ఇ-ముక్కుతీరే వేరు!

సైన్స్‌ ముచ్చట

మాంసం, చికెన్‌, చేపలు కొనడానికి మార్కెట్‌కు వెళ్లారు. అవి తాజాగా ఉన్నాయా, లేదా తెలిసేదెలా? వాసన చూసి కొంతవరకు తెలుసుకోవచ్చు. అన్నిసార్లూ ఇది కుదరకపోవచ్చు. మరెలా? ఇలాంటి ఇబ్బందిని తొలగించటానికే నాన్యాంగ్‌ టెక్నాలజీ యూనివర్సిటీ పరిశోధకులు ‘ఎలక్ట్రానిక్‌ ముక్కు’ను సృష్టించారు. కృత్రిమ మేధ పరిజ్ఞానంతో కూడిన ఇది అచ్చం మన ముక్కులాగానే పనిచేస్తుంది. మాంసాహారం తాజాదనాన్ని 98.5% కచ్చితత్వంతో గుర్తిస్తుంది! సాధారణంగా మన ముక్కు పైభాగంలో వాసనలను పసిగట్టే వ్యవస్థ ఉంటుంది. ఆయా పదార్థాల నుంచి వెలువడే వాయువులు ముందుగా ఇక్కడికే చేరుకుంటాయి. వాసనలను పసిగట్టే గ్రాహకాలు వీటిని గుర్తించి, ఆ సంకేతాలను మెదడుకు పంపిస్తాయి. దీన్ని మెదడు విశ్లేషించి తాజాగా ఉన్నాయా? లేదా? అనేది నిర్ణయిస్తుంది. ఎలక్ట్రానిక్‌ ముక్కు కూడా ఇలాగే పనిచేస్తుంది. ఇందులో రెండు భాగాలుంటాయి. ఒకటి బార్‌కోడ్‌. దీనిలోని గీతలు వాసనలను పసిగట్టే గ్రాహకాలుగా పనిచేస్తాయి. మాంసం కుళ్లిపోతున్నకొద్దీ దాన్నుంచి వెలువడే వాయువుల మోతాదులను బట్టి వీటి రంగు మారుతుంది. రెండోది బార్‌కోడ్‌ రీడర్‌. స్మార్ట్‌ఫోన్‌ యాప్‌ రూపంలో ఉండే ఇది బార్‌కోడ్‌లో మారిపోయే రంగులను బట్టి మాంసం తాజాదనాన్ని అంచనా వేస్తుంది. కేవలం 30 సెకండ్లలోనే ఫలితాన్ని చెబుతుంది. మొదటి గీత పసుపు రంగులోకి మారితే తాజాగా ఉన్నట్టు. చివరి గీత ఎరుపు రంగులోకి మారితే కుళ్లినట్టు.

మరిన్ని కథనాలు https://epaper.eenadu.net లో.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

టెక్‌ అప్‌డేట్స్‌

మరిన్ని

రుచులు

App