ఫోన్‌ కెమెరా @ 2020

టెక్‌ అప్‌డేట్స్‌

ఫోన్‌ కెమెరా @ 2020

స్మార్ట్‌ ఫోన్‌ కొందాం అనుకుంటే ముందుగా ఆలోచించే వాటిల్లో కెమెరా స్పెసిఫికేషన్‌ కచ్చితంగా ఉంటుంది. గత కొన్నేళ్లుగా డిజిటల్‌ కెమెరాకి పోటిగా సామర్థ్యాన్ని పెంచుకుంటూ మొబైల్‌ ప్రియుల్ని అలరిస్తోంది. ఫొటోగ్రఫీపై పెద్దగా అవగాహన లేనివారు కూడా అదిరే ఫొటోలు, వీడి యోలు తీసుకుని భద్రం చేసుకుంటున్నారు. ఏకంగా 8రీ రిజల్యూషన్‌తో జ్ఞాపకాల్ని చిత్రీకరించేస్తున్నారు. ఈ నేపథ్యంలో 2020లో స్మార్ట్‌ ఫోన్‌ కెమెరా కన్ను ఎలా మారుతూ వచ్చిందో తెలుసా?

‘ఏఆర్‌’ అద్భుతాలు

ఫోన్‌ కెమెరా కంటితో ఆగ్మెంటెడ్‌ రియాలిటీలో (ఏఆర్‌) అద్భుతాలు చేసేలా ‘లిడార్‌ స్కానర్‌’ పరిచయం అయ్యింది. ఇందుకు ఐఫోన్‌ 12 ప్రో సిరీస్‌ మంచి ఉదాహరణ. ఫోన్‌తోనే దేన్నయినా ఏఆర్‌లో చిత్రీకరణ చేయడానికి వీలవుతుంది. లైటింగ్‌, పిక్సల్‌ డెప్త్‌ని సరి చూసుకుంటూ స్కానర్‌ ఎంపిక చేసుకున్న వాటిని చిత్రీకరిస్తుంది.

సెంచరీ దాటేసింది..

మెగాపిక్సల్స్‌ సామర్థ్యంలో ఫోన్‌ కెమెరా సెంచరీ దాటేసింది. 48, 64ఎంపీల కెమెరాలు ఉన్న ఫోన్‌లే అద్భుతం అనుకుంటే.. ఏకంగా 108 ఎంపీతో శామ్‌సంగ్‌ సరికొత్త గెలాక్సీ సిరీస్‌ ఫోన్‌తో షాక్‌ ఇచ్చింది. ఆ తర్వాత షామీ కూడా అంతే సామర్థ్యంతో కూడిన కెమెరా ఫోన్‌ని విడుదల చేసింది. అయితే.. వీటి పని తీరు, నాణ్యతపై ఇంకా రివ్యూలు రావాల్సి ఉంది.

ఊహించని జూమింగ్‌

ఫొటోలు తీసేటప్పుడు అవసరమైతే జూమ్‌ చేస్తుంటాం. 1ఎక్స్‌ నుంచి మొదలైన జూమింగ్‌ ఇప్పుడు స్మార్ట్‌ఫోన్‌ల్లో 100ఎక్స్‌ వరకూ ఎగబాకింది. గెలాక్సీ ఎస్‌20 అల్ట్రా మోడల్‌లో 100ఎక్స్‌ జూమింగ్‌ సామర్థ్యాన్ని పరిచయం చేశారు. ఇతర కంపెనీలు కూడా ఎక్కువ జూమింగ్‌తో కూడిన కెమెరా కళ్లని సిద్ధం చేస్తున్నాయి.

షేకింగ్‌కి చెక్‌

ప్రొఫెషనల్‌గా వీడియోలు చిత్రీకరించేందుకు సిద్ధమైన వారు కచ్చితంగా ‘గింబల్‌’ సెట్‌అప్‌ని డిజిటల్‌ కెమెరాలకు వాడతారు. అప్పుడే వీడియోల్లో షేకింగ్‌ లేకుండా షూట్‌ చేయడం కుదురుతుంది. మరి ఫోన్‌లతో షూట్‌ చేసేటప్పుడు? ఇకపై గింబల్‌ సెటప్‌లతో పని లేదు. ఫోన్‌ కెమెరాలోనే ‘గింబల్‌ ఓఐఎస్‌ సిస్టమ్‌’ని నిక్షిప్తం చేస్తున్నారు. దీంతో కుదుపు లేకుండా వీడియోలు స్థిరంగా వస్తాయి. ఈ ఏడాదిలోనే ఈ తరహా ఫోన్‌ని వివో ఎక్స్‌50 పేరుతో విడుదల చేసింది.

నాణ్యత పెరిగింది

వీడియో హ్యాండ్‌ కెమెరాతో తీసినట్టుగానే ఫోన్‌లోనూ హెచ్‌డీ ఫుటేజ్‌ని చిత్రీకరించే స్థాయికి హెచ్‌డీ లెన్స్‌ వచ్చేశాయ్‌. అంతేకాదు.. నాణ్యమైన సౌండ్‌ సిస్టమ్‌ని ‘హెచ్‌డీఆర్‌’ వీడియోలకు జోడిస్తున్నారు కూడా. యాపిల్‌ ఐఫోన్‌ 12 ప్రోలో అందుకు తగిన అన్ని హంగులూ జోడించారు. వచ్చే ఏడాదిలో మరిన్ని ఫోన్‌లు ఇదే తరహాలో సందడి చేయనున్నాయి.

ఆడియోలపైనా ఫోకస్‌

ఇప్పటి వరకూ వీడియో క్వాలిటీపైనే ఎక్కువ ఫోకస్‌ పెట్టిన మొబైల్‌ తయారీ సంస్థలు ఇకపై ఆడియో రికార్డింగ్‌పై కూడా శ్రద్ధ పెడుతున్నాయి. అందుకు తగిన సపోర్టుతో ఎక్స్‌టర్నల్‌ మైక్‌ సపోర్టుని అందిస్తున్నాయి. బ్లూటూత్‌ ఇయర్‌ ఫోన్‌లు, యూఎస్‌బీ ఎక్స్‌టర్నల్‌ మైక్‌లు, ఫోన్‌ ఇన్‌బిల్ట్‌ మైక్‌లు.. ఇలా మూడు రకాల ఇన్‌పుట్‌ సోర్స్‌లతో ఆడియో ఇన్‌పుట్‌ని తీసుకునే స్థాయికి ఫోన్‌లు వచ్చాయి.

8కే వీడియోలు..

ఫోన్‌తో 4రీ వీడియోలంటేనే అద్భుతం అనుకునే స్థాయి నుంచి 8రీ రిజల్యూషన్‌తో వీడియోలు చిత్రీకరించే స్థాయికి వచ్చేశాం. ఈ ఏడాదిలోనే ట్రెండ్‌ మొదలైంది. కొత్త సంవత్సరంలో మరిన్ని మోడళ్లు 8రీ రిజల్యూషన్‌ని అందించేందుకు సిద్ధం అవుతున్నాయి.

కెమెరా ఫోన్‌లు..
జ్ఞాపకాలు భద్రంగా..

హువావే పరిచయం చేసిన ‘పీ40 ప్రొ’తో మీ రోజువారీ మధురానుభూతుల్ని హై-డెఫినెషన్‌లో భద్రం చేసుకోవచ్చు. మొత్తం నాలుగు కెమెరాలు వెనక ఏర్పాటు చేశారు. 50ఎంపీ, 40ఎంపీ, 8ఎంపీ, 8ఎంపీ. సెల్ఫీలకు 32ఎంపీ కెమెరా ఉంది. 50ఎక్స్‌ సామర్థ్యంతో జూమ్‌ చేయొచ్చు.

కళ్లు చెదిరేలా..

యాపిల్‌ తెరపై మునుపెన్నడూ చూడని విధంగా ఫొటోలు క్లిక్‌ మనిపించేలా ‘11 ప్రొ’ ముందుకొచ్చింది. వెనక మూడు కెమెరాలు. అన్నీ 12ఎంపీ సామర్థ్యంతో పని చేస్తాయి. సెల్ఫీ కెమెరా కూడా 12ఎంపీనే!

సెంచరీ దాటేసింది..

ఎలాంటి సందర్భాన్ని అయినా అంగుళాల తెరపై భద్రం చేసుకునేలా శామ్‌సంగ్‌ గెలాక్సీ ‘20 ఆల్ట్రా 5జీ’ వచ్చింది. వెనక మూడు కెమెరాలు. 108ఎంపీ, 12ఎంపీ, 12ఎంపీ. సెల్ఫీ కెమెరా సామర్థ్యం 10ఎంపీ.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

టెక్‌ అప్‌డేట్స్‌

మరిన్ని

రుచులు

App