ఫీచర్డ్ స్టోరీస్

బోధనకు భలే వేదికలు!

‘యాప్‌’రే!

రోజు రోజుకీ డిజిటలైజేషన్‌ ప్రాధాన్యత పెరుగుతూనే ఉంది. కరోనా తర్వాత అది ఇంకాస్త పెరిగింది. అన్ని రంగాల్లోనూ విప్లవాత్మక మార్పులు వచ్చాయి. ముఖ్యంగా విద్యారంగం గణనీయంగా మారిపోయింది. అటు విద్యార్థులకు, ఇటు ఉపాధ్యాయులకు ఆన్‌లైన్‌ తరగతులు, బోధన తప్పనిసరి అయ్యాయి. ఈ నేపథ్యంలో డిజిటల్‌ మాధ్యమాల సాయంతో ఉపాధ్యాయులు పాఠాలు బోధించేందుకు ఆసక్తి చూపుతున్నారు. మరైతే, చేతిలోని స్మార్ట్‌ ఫోన్‌ని వాడుకుని ఉపాధ్యాయులు పాఠాలు బోధించేందుకు తగిన సర్వీసులు ఏమున్నాయ్‌? ఇవిగోండి కొన్ని..
‘టీచింగ్‌’కి ఓ అడ్డా
* Teachee
ఎలాంటి టెక్నాలజీ నాలెడ్జ్‌ అవసరం లేకుండానే తక్కువ సమయంలో ఆన్‌లైన్‌ తరగతుల్ని నిర్వహించేందుకు తగిన సర్వీసు. దేశంలో ఆన్‌లైన్‌ తరగతులకు ప్రాధాన్యత పెరుగుతున్న నేపథ్యంలో వెబ్‌సైట్‌, మొబైల్‌ అప్లికేషన్‌లను ఇందులో సులభంగా క్రియేట్‌ చేసుకోవచ్చు. తగిన టెంప్లెట్స్‌ని ఎంచుకుని సైట్‌ని ఆకట్టుకునేలా మార్చేయొచ్చు. అలాగే, మీకు నప్పేలా వెబ్‌సైట్‌ అడ్రస్‌ని ‘సబ్‌డొమైన్‌’లా పెట్టుకోవచ్చు. ‘కోర్సు బిల్డర్‌’తో ఆన్‌లైన్ కోర్సులు క్రియేట్‌ చేసుకునే వీలుంది. విద్యార్థుల నుంచి ఫీజుని ఆన్‌లైన్‌లోనే సేకరించొచ్చు. ఇందుకోసం తగిన ‘పేమెంట్‌ సిస్టమ్‌’నీ ప్లాట్‌ఫామ్‌ అందిస్తోంది. ఉపాధ్యాయుల పాఠాలకు సంబంధించిన కంటెంట్‌ని ఎన్‌క్రిప్షన్‌ పద్ధతిలో సురక్షితం చేసుకునే వీలుంది కూడా.
* డౌన్‌లోడ్‌ లింక్‌: www.teachee.com
ప్రాజెక్టులు చేసేందుకు..
* Trello

ఇప్పుడున్న పరిస్థితుల్లో విద్యార్థుల ప్రాజెక్టు వర్క్‌లను మానిటర్‌ చేసేందుకు టీచర్లకు కొంచెం కష్టమే. అందుకే ఈ యాప్‌. విద్యార్థులు చేపట్టిన ప్రాజెక్టుల్ని క్షుణ్ణంగా పరిశీలింస్తూ.. వారిని గైడ్‌ చేసేందుకు అనువైంది. ‘డిజిటల్‌ వైట్‌బోర్డు’పై ఇన్‌పుట్స్‌ రాసి స్టూడెంట్స్‌తో పంచుకోవచ్చు. విద్యార్థి బృందాన్ని అన్ని విధాలుగా ముందుకు నడిపించేందుకు తగిన యాప్‌ ఇది.
* డౌన్‌లోడ్‌ లింక్‌: https://bit.ly/3ocm5Lp
‘టెస్ట్‌’లు పెట్టొచ్చు
Avocado

ఎక్కువ మంది విద్యార్థులకు క్లిష్టమైనవంటే గణితం, సైన్స్‌ పాఠాలే. వీటిపై పట్టు సాధించేందుకు ఇది తగిన యాప్‌. విద్యార్థుల్లో ఆత్మవిశ్వాసాన్ని పెంచేలా ‘టెస్ట్‌’లతో సాధన చేయించొచ్చు. ఆసక్తికరమైన వివరణలతో మ్యాథ్స్‌, సైన్స్‌పై ‘ప్రాక్టీస్‌ టెస్ట్‌’లను యాప్‌లో పొందుపరచారు. పరీక్ష పూర్తయ్యాక ఏ మేరకు విద్యార్థులు సాధన చేస్తున్నారో రివ్యూ చేసి చూడొచ్చు.
* డౌన్‌లోడ్‌ లింక్‌: https://bit.ly/2VdZ7qK

భాషపై పట్టు సాధించేందుకు..
* Duolingo

ఆంగ్లం లేదా మరేదైనా భాషపై విద్యార్థులు పట్టు సాధించాలంటే ఉపాధ్యాయుల బోధన వినూత్నంగా సాగాల్సిందే. అందుకు తగిన వేదిక ఈ యాప్‌. 30కి పైగా భాషల్ని వినోదాత్మకంగా నేర్పించొచ్చు. ఉచ్చారణపై పట్టు సాధించేందుకు విద్యార్థులు యాప్‌ సాయం తీసుకోవచ్చు. అన్ని వయసుల వారికీ తగినట్టుగా దీంట్లో పాఠాల్ని పొందుపరిచారు. కొత్త భాషని నేర్చుకోవాలని అనుకునేవారు ఎవరైనా ఈ యాప్‌ని ప్రయత్నించొచ్చు.
* డౌన్‌లోడ్‌ లింక్‌: www.duolingo.com

పిల్లలకు ప్రత్యేకం
* Epic

బుజ్జాయిల్ని స్కూళ్లకి పంపలేని పరిస్థితి. అలాంటప్పుడు ఉపాధ్యాయులు నెట్టింట్లోనే ఆకట్టుకునేలా బోధన సాగించాలంటే? ఇదో చక్కని వేదిక. రీడింగ్‌ స్కిల్స్‌ని పెంపొందించేందుకు 40,000కిపైనే పుస్తకాలు ఈ ఆన్‌లైన్‌ అడ్డాలో సిద్ధంగా ఉన్నాయి. విద్యార్థులు ఇల్లు లేదా స్కూల్‌ నుంచి ఎప్పుడైనా చదువుకోవచ్చు. విద్యార్థులకు ప్రత్యేకంగా ప్రొఫైల్స్‌ క్రియేట్‌ చేసి, వారి ఆసక్తుల మేరకు బుక్స్‌ని చదివేలా ప్రోత్సహించొచ్చు. ఆడియో, వీడియో ఫార్మెట్‌లలోనూ పుస్తకాలు ఉన్నాయి.
* డౌన్‌లోడ్‌ లింక్‌: www.getepic.com
‘కమ్యూనికేషన్‌’ కోసం..
* Remind

స్కూల్‌ ఆన్‌లైన్‌ క్లాస్‌లు ముగిశాక కూడా విద్యార్థులతో జట్టుకట్టి కమ్యూనికేషన్‌ కొనసాగిద్దాం అనుకునే టీచర్లకు ఇది ప్రత్యేకం. గ్రూపుగా ఏర్పడి మెసేజ్‌లు పంపుకోవచ్చు. మెటీరియల్‌ని షేర్‌ చేసుకోవచ్చు.
* డౌన్‌లోడ్‌ లింక్‌: https://bit.ly/2I9pNWA
‘దీక్ష’తో ముందుకు..
* DIKSHA

విద్యార్థులు, ఉపాధ్యాయులు.. ఎవరెక్కడున్నా విద్యాభ్యాసాన్ని చక్కగా కొనసాగించేందుకు తగిన వేదిక. ఉపాధ్యాయులు ప్రణాళిక ప్రకారం స్టడీ మెటీరియల్‌ని క్రియేట్‌ చేసి విద్యార్థులకు అందించొచ్చు. బోధనని మరింత వినూత్న విధానాలతో సాగించేందుకు తగిన ‘లెసన్‌ ప్లాన్స్‌’ని యాప్‌లో పొందొచ్చు. దేశంలోని పలు ప్రాంతీయ భాషల్లో యాప్‌ని వాడొచ్చు.
* డౌన్‌లోడ్‌ లింక్‌: https://bit.ly/37z6hvp
‘ఎక్స్‌ట్రా’ మార్కుల కోసం..
* Extramarks

కేజీ నుంచి ఇంటర్‌ వరకూ ఏ సబ్జెక్టులో అయినా విద్యార్థుల్ని సాన పెట్టేందుకు తగిన యాప్‌. విద్యార్థులకు కష్టం అనిపించే సబ్జెక్టుల్ని ఇష్టంగా ఫాలో అయ్యేలా దీంట్లోని పాఠ్యాంశాల్ని రూపొందించారు. ‘అలెక్స్‌’ పేరుతో యాప్‌లో అందుబాటులో ఉండే ‘ఏఐ ఛాట్‌బాట్‌’తో మాట్లాడొచ్చు. విద్యార్థులు ఎప్పుడైనా అలెక్స్‌ సాయం తీసుకోవచ్చు. యాప్‌లో అందుబాటులో ఉన్న లైవ్‌ సెషన్స్‌కి హాజరవ్వొచ్చు.
* డౌన్‌లోడ్‌ లింక్‌: https://bit.ly/37yqotI

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి కథామృతం రుచులు దేవతార్చన

ఫీచర్డ్ స్టోరీస్

మరిన్ని

App