ఆఫీస్‌అసిస్టెంట్‌ ఉచితం

యాప్స్ - గేమ్స్

ఆఫీస్‌అసిస్టెంట్‌ ఉచితం

సాఫ్ట్‌’కార్నర్‌

చదువు తర్వాత రెజ్యూమె క్రియేట్‌ చేయాలి.. ఉద్యోగంలో అవసరానికి తగిన డాక్యుమెంట్‌ క్రియేట్‌ చేయాలి..

బాస్‌ చెప్పిన నోట్స్‌ని ఆకట్టుకునే టెంప్లీట్స్‌తో తీర్చిదిద్దాలి..

ఏడాది బడ్జెట్‌కి తగిన ప్లాన్‌ని ఇంట్లో రాసుకోవాలి..

.. ఇలా అవసరం ఏదైనా ల్యాపీ ఆన్‌ చేయడం. ‘ఆఫీస్‌’ అప్లికేషన్‌ని ఓపెన్‌ చేయడం. అదీ ఎమ్మెస్‌ ఆఫీసే ఎక్కువ మందికి తెలుసు. ఏళ్లుగా డెస్క్‌టాప్‌ పీసీల్లో కచ్చితంగా కొని ఇన్‌స్టాల్‌ చేసుకుంటున్నారు. అయితే, డాక్యుమెంట్‌ ఫైల్స్‌ క్రియేట్‌ చేయడానికి కచ్చితంగా ఆఫీస్‌ అప్లికేషన్‌ని కొనుగోలు చేయాల్సిందేనా? ఏం అక్కర్లేదు. ఉచితంగా ఇన్‌స్టాల్‌ చేసుకోవచ్ఛు అలాంటిదే ‘డబ్ల్యుపీఎస్‌ ఆఫీస్‌ 2020’. ఎమ్మెస్‌ ఆఫీస్‌కి ప్రత్యామ్నాయంగా దీన్ని వాడుకోవచ్ఛు పీడీఎఫ్‌ ఎడిటర్‌గానూ పని చేస్తుంది. దీంట్లో ఉన్న ప్రత్యేకతలేంటో చూద్దాం..

సులభమైన ఇంటర్ఫేస్‌

ప్రజంటేషన్స్‌, వర్క్‌షీట్‌లు, డాక్యుమెంట్‌లు.. ఏవైనా సులువైన ఇంటర్ఫేస్‌తో తయారు చేయొచ్ఛు మీకు ఎమ్మెస్‌ ఆఫీస్‌తో ఇప్పటికే పరిచయం ఉంటే.. డబ్ల్యుపీఎస్‌ ఆఫీస్‌ని సులభంగా అర్థం చేసుకోవచ్ఛు పవర్‌పాయింట్‌ ప్రజంటేషన్లకు ‘ప్రజంటేషన్స్‌’, డాక్యుమెంట్‌ల రూపకల్పనకు ‘రైటర్‌’, టేబుల్స్‌ క్రియేట్‌ చేసుకునేందుకు ‘స్ప్రెడ్‌షీట్స్‌’ ఉన్నాయి. మీ అభిరుచికి తగినట్టుగానే మార్పులు (కస్టమైజేషన్‌) చేసుకునేందుకు అనుకూలమైంది. ప్రత్యేక విభాగంలో కావాల్సిన టెంప్లీట్స్‌ని ఉచితంగా డౌన్‌లోడ్‌ చేసుకోవచ్ఛు అంతేకాదు.. డాక్యుమెంట్స్‌కి బ్యాక్‌గ్రౌండ్‌ థీమ్స్‌, రంగులు, ఇమేజ్‌లను పెట్టుకునే వెసులుబాటు ఉంది.

‘టెంప్లీట్స్‌’ వినూత్నం

విద్యార్థులు, ఉపాధ్యాయులు, ఉద్యోగులు.. ఎవరి అవసరాలు వారివి. అందుకు తగిన డాక్యుమెంట్‌ టెంప్లీట్స్‌ని ఎంపిక చేసుకునే వీలుంది. ఉదాహరణకు మీరు విద్యార్థి అయితే ఏవైనా పాఠ్యాంశాలకు సంబంధించిన డాక్యుమెంట్‌ చేయాల్సివస్తే.. అందుకు తగిన టెంప్లీట్స్‌ని సెలెక్ట్‌ చేసుకోవచ్ఛు ఒకవేళ టీచర్లు అయితే సిలబస్‌ ప్లానింగ్‌కి తగిన వాటిని ఎంచుకోవచ్ఛు ఇక ఆర్థిక పరమైన నివేదికల్ని తయారు చేయాల్సివస్తే ఉద్యోగులు తగిన ఛార్ట్‌ టెంప్లీట్స్‌ని సెలెక్ట్‌ చేసుకునే వీలుంది. ప్రస్తుతం అందుబాటులో ఉన్న వెర్షన్‌తో ఎమ్మెస్‌ ఆఫీస్‌ ఫైల్స్‌ని (డీఓసీఎక్స్‌, ఎక్సెల్‌ఎక్స్‌...) ఓపెన్‌ చేసి ఎడిట్‌ చేసుకోవచ్చు.

పీడీఎఫ్‌ల మాటేంటి?

ఎక్కువ శాతం రాత వ్యవహారాలన్నీ పీడీఎఫ్‌తోనే జరుగుతున్నాయ్‌. వాటినీ డబ్లుపీఎస్‌ ఆఫీస్‌తో మేనేజ్‌ చేసుకోవచ్ఛు పీడీఎఫ్‌లను ఎడిట్‌ చేయడంతో పాటు, కావాల్సిన ఫార్మెట్‌లో మార్చుకోవచ్ఛు క్రియేట్‌ చేసిన డాక్యుమెంట్‌ ఫైల్స్‌ని పీడీఎఫ్‌ ఫార్మెట్‌లో ఇంపోర్ట్‌ చేసుకునే వీలుంది. అంతేకాదు.. ‘ఓసీఆర్‌’తో (ఆప్టికల్‌ క్యారెక్టర్‌ రికగ్నిషన్‌) ఇమేజ్‌ ఫైల్స్‌లో ఉన్న టెక్ట్స్‌ని ఎక్స్‌ట్రాక్ట్‌ చేయొచ్ఛు ఉదాహరణకు మీకు ఏదైనా ఫైల్‌ ఇమేజ్‌ ఫార్మెట్‌లో వచ్చింది. ఆ ఫొటోలో ఉన్న టెక్స్ట్‌ని అక్షరాల రూపంలో డాక్యుమెంట్‌లా పొందొచ్ఛు తర్వాత మీరు మేటర్‌లో కావాల్సిన మార్పులు చేసుకుని డాక్యుమెంట్‌లా సేవ్‌ చేసుకునే వీలుంది.

అన్ని ఓఎస్‌లలోనూ..

ఎవరి అవసరం వారిది. కొందరు విండోస్‌ పీసీలు వాడితే.. ఇంకొందరు యాపిల్‌ మ్యాక్‌లు వాడొచ్ఛు లినెక్స్‌తో పని చేసేవారూ ఉన్నారు. ఎవరు ఏది వాడుతున్నా డబ్ల్యుపీఎస్‌ ఆఫీస్‌ని ఇన్‌స్టాల్‌ చేసుకోవచ్ఛు అన్ని ఓఎస్‌లనూ సపోర్టు చేస్తుంది. ఫోన్‌లలో యాప్‌ రూపంలోనూ ఒదిగిపోతుంది. ఇన్‌స్టాల్‌ చేసుకునేందుకు ఎక్కువ మెమొరీ కూడా అక్కర్లేదు. తక్కువ ర్యామ్‌తో ఎప్పటి నుంచో వాడుతున్న డెస్క్‌టాప్‌లలోనూ క్షణాల్లో నిక్షిప్తం చేసుకుని వాడొచ్చు.

* ఉచిత ఎకౌంట్‌లో 1జీబీ క్లౌడ్‌ని స్టోరేజ్‌ని పొందొచ్ఛు ముఖ్యమైన ఫైల్స్‌ని వెబ్‌లోనే సేవ్‌ చేసుకోవచ్చు అన్నమాట. ఇలా క్లౌడ్‌లో దాచుకుని వాటిని ఫోన్‌లలో కూడా యాక్సెస్‌ చేయొచ్చు.

* డబ్ల్యుపీఎస్‌ సైట్‌లో సభ్యులై పవర్‌పాయింట్‌ ప్రజంటేషన్స్‌, వర్డ్‌, స్ప్రెడ్‌షీట్‌ టెంప్లీట్స్‌ని డౌన్‌లోడ్‌ చేసుకోవచ్చు.

* డౌన్‌లోడ్‌ లింక్‌: www.wps.com

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

యాప్స్ - గేమ్స్

మరిన్ని

రుచులు

App