యాప్స్ - గేమ్స్

దగ్గరుండిచదివిస్తుంది..

వాడి చూద్దురూ

ఇంట్లో పిల్లల అభ్యాసానికి నెట్టింట్లో ఏమున్నాయా? అని వెతికే తల్లిదండ్రులు ఎంతో మంది. ఫోన్‌, పీసీల్లో పలు సర్వీసుల్ని ప్రయత్నిస్తూ పిల్లలకు పరిచయం చేయక తప్పడం లేదు. అందుకే ఈ బాధ్యతను గూగుల్‌ కూడా తీసుకుంది. దగ్గరుండి చదివించే ఓ యాప్‌ని పరిచయం చేసింది. అదే ‘రీడ్‌ అలాంగ్‌’. ఆండ్రాయిడ్‌ యూజర్లు గూగుల్‌ ప్లే నుంచి ఇన్‌స్టాల్‌ చేసుకోవచ్ఛు యాప్‌ని రన్‌ చేయగానే ‘దియా’ టీచర్‌ పిల్లల్ని దగ్గరుండి చదివిస్తుంది. పలు భాషలపై పట్టు సాధించేలా పిల్లలకు శిక్షణ ఇస్తుంది. అదెలాగో చూద్దాం..

ఉచ్ఛారణలో సాయం..

ప్రపంచ వ్యాప్తంగా 180 దేశాల్లో ‘రీడ్‌ అలాంగ్‌’ యాప్‌ని గూగుల్‌ బీటా వెర్షన్‌తో పరిచయం చేసింది. పిల్లలు భాషపై పట్టు సాధించడమే ప్రధాన లక్ష్యంగా దీన్ని రూపొందించారు. అందుకు తగిన కథల్ని యాప్‌లో జాబితాగా పొందుపరిచారు. యాప్‌ని రన్‌ చేయగానే టీచర్‌ ‘దియా’ ప్రత్యక్షం అవుతుంది. అంతే.. మీరు దగ్గరున్న లేకపోయినా ‘దియా’నే పిల్లలకు ఎంపిక చేసుకున్న భాషని దగ్గరుండి నేర్పుతుంది. వారి ఉచ్ఛారణ ఎలా ఉందో గుర్తించి సాయం చేస్తుంది. చదవడంలో ఏవైనా ఇబ్బందులు ఎదురైతే పిల్లలతో పాటే చదువుతూ పదాల్ని ఎలా పలకాలో చెబుతుంది. ఉదాహరణకు ఏదైనా పదాన్ని పలకలేక వెనకబడితే ‘దియా’ని పిలిస్తే చాలు. తెరపై ప్రత్యక్షమై ‘లాంగ్వేజ్‌ టీచర్‌’లా శిక్షణ ఇస్తుంది. పదాలు, వాక్యాల్ని చదివి వినిపించి, వాటి అర్థాన్ని కూడా వివరిస్తుంది.

ఆఫ్‌లైన్‌లోనూ...

ఒక్కసారి యాప్‌ని ఇన్‌స్టాల్‌ చేశాక ఇంటర్నెట్‌ కనెక్షన్‌ లేకపోయినా దియా పిల్లలతో జట్టు కట్టేస్తుంది. గూగుల్‌ ‘స్పీచ్‌ రికగ్నిషన్‌’ టెక్నాలజీతో ఫోన్‌కి ఉన్న మైక్రోఫోన్‌ సాయంతో పిల్లలు మాట్లాడేది వింటూ సంభాషిస్తుంది. యాప్‌ని వాడుకునేందుకు ఎలాంటి సభ్యత్వాన్ని క్రియేట్‌ చేసుకోనక్కర్లేదు. అలాగే, ప్రైవసీ విషయంలోనూ తగు జాగ్రత్తలు తీసుకున్నారు. పిల్లలు, వారు మాట్లాడే మాటలు ఫోన్‌ వరకూ పరిమితం అవుతాయి. ఎలాంటి క్లౌడ్‌ స్టోరేజ్‌ల్లో సంబంధం లేదు. అలాగే, యాప్‌లో పొందుపరిచిన కథల్ని ఒక్కసారి డౌన్‌లోడ్‌ చేసుకుంటే చాలు. ఆఫ్‌లైన్‌లోనూ వాటిని యాక్సెస్‌ చేయొచ్ఛు ఇంట్లో ఒకరి కంటే ఎక్కువ మంది పిల్లలు ఉంటే ఒక్కొక్కరి ఒక్కో ప్రొఫైల్‌ క్రియేట్‌ చేసి ‘దియా’కి అప్పగించొచ్ఛు దీంతో విడిగా వారి ‘రీడింగ్‌ స్కిల్స్‌’ని అంచనా వేయొచ్ఛు పిల్లల సామర్థ్యాన్ని ఆధారంగా చేసుకుని ‘స్టార్స్‌, బ్యాడ్జ్‌’లను దియా అందిస్తుంది. ఇప్పటికైతే యాప్‌లో తొమ్మిది భాషల్ని పొందుపరిచారు. అంటే.. పిల్లలు లాక్‌డౌన్‌ కాలంలో ఎంపిక చేసిన భాషపై పట్టు సాధించొచ్ఛు మన మాతృభాష తెలుగులోనూ దియా ‘రీడింగ్‌ స్కిల్స్‌’ని నేర్పుతుంది.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

యాప్స్ - గేమ్స్

మరిన్ని

రుచులు

App